Annie, ಪಿಂಟೂ ಮತ್ತು ನಾವು part 2

Annie : ಪಿಂಟೂ...ಸಿಕ್ಕಾಕೊಂಡ್ವಿ !!!

ಪಿಂಟು : don't worry...z can be managed...

Annie : ನೀನೆ ಮಾತಾಡು...ನಾನು ಈಗ ಮೌನಾನ ಆಶ್ರಯಿಸುವೆ !!

Z : ಹೂ....ಹೇಳಿ ಏನ್ ಗುಸುಗುಸು ಅದು ?

ಪಿಂಟು :(ಸ್ವಗತ) ಕಳ್ಳಿ annie.... ನಡು ನೀರಲ್ಲಿ ಕೈಬಿಟ್ಟಳು ನನ್ನ !!

ಏನಿಲ್ಲ z....ಹಾಗೇ ಸುಮ್ಮನೆ ಹರಟೆ ಹೊಡಿತಿದ್ವಿ.... time pass ಗೆ...

Z : time pass ಗೆ ನನ್ನ ತೇಜೋವಧೆ ಮಾಡ್ತಿದ್ದೀರಾ ? hopeless fellows !!! ನನಗೆ ಎಲ್ಲಾ ಕೇಳಿಸಿತು !! ನನ್ನ ಬೈಬೇಕು ಅಂತ ಆಸೆ ಇದ್ರೆ ಮುಂದೆ ಬಂದು ಬೈಯಿರಿ..ಈ ಥರ ಬೆನ್ನ ಹಿಂದೆ ಚೂರಿ ಹಾಕಿ ನೀವು ಮನುಷ್ಯರೇ ಆಗೋದ್ರಲ್ಲೊ !!! ಛೆ ಛೆ ಛೆ ಛೆ.....ಘನ ಘೋರ ಭೀಕರವಾದ ಅನ್ಯಾಯ !!!

ಪಿಂಟು : ಶಾಂತಿ ಶಾಂತಿ ಶಾಂತಿ !!! ನಾವ್ ನಿನ್ನ ಬೈತಿರ್ಲಿಲ್ಲಪ್ಪ !! ಸುಮ್ನೆ ಹಾಗೆ .....

Z : ....ಉಗಿತಿದ್ದಿರಿ....hopeless fellow ಅಂತ ! ಪಿಂಟು..ಕಡೆಗೂ ತೋರ್ಸ್ಬಿಟ್ಟ್ಯಲ್ಲ ನಿನ್ನ ಕೋತಿ ಬುದ್ಧಿನ !! ಹಾ !!! ನಾನು ಏನ್ ಅನ್ಯಾಯ ಮಾಡಿದ್ನೋ ನಿಂಗೆ ? head ruled ಗೆ ಒಂದಕ್ಷರ ನೂ ಬೈದೆ ನನ್ನೇ target ಮಾಡಿದ್ದೀಯಲ್ಲೊ !!!

ಪಿಂಟು : head ruled ನಮಗೆ ಮೊದ್ಲೇ ಹೇಳಿಬಿಟ್ಟಿದ್ದಳು...ನಾನಿನ್ನು ನಿಮ್ಮ ಬಗ್ಗೆ concentrate ಮಾಡೊಕಾಗಲ್ಲ ಕಣ್ರಪ್ಪ...ಸಿಕ್ಕ್ ಸಿಕ್ಕಾಪಟ್ಟೆ ಕೆಲ್ಸ ಇರತ್ತೆ ನಂಗೆ ಇನ್ಮೇಂದ...ಏನಿದ್ರು Z ನೋಡ್ಕೋತಾಳೆ ನಿಮ್ಮನ್ನ ಅಂತ. ನೀನಿದ್ದೀಯಲ್ಲ...ನೋಡ್ಕೋತಿನಿ ಅಂತ ರಾಜಕೀಯ ಆಶ್ವಾಸನೆ ಕೊಟ್ಟು ನಮಗೆ ಮೋಸ ಮಾಡಿದ್ದೀಯ !!

Z : ಇಲ್ಲಾ ಕಣೋ...ನನ್ನ ಮಾತು ಕೇಳು. ಪ್ಲೀಸ್ !!! ನಾನೇನು ಬೇಕು ಅಂತ ನಿಮ್ಮಿಂದ ದೂರ ಆಗಿಲ್ಲ ಆಯ್ತ...ನಿಮ್ ಹತ್ರ volume ಗಟ್ಟಲೆ ವಿಷಯಗಳನ್ನ ಹೇಳೋದಿದೆ. ಆದ್ರೆ ನಾನು head ruled ಕಡೆ ಸಲ್ಪ ಗಮನ ಕೊಡ್ಬೇಕು. ಅವಳು ಪಾಪ ಪ್ರಪಂಚದ ಜೊತೆಗೆ ಇರ್ತಾಳೇ ದಿನಾಗ್ಲು....ನನ್ನನ್ನ ಮತ್ತು ನನ್ನ innocence ನ protect ಮಾಡೋಕೆ ಅವಳ್ಲು ಸಖತ್ tough ಆಗಿರ್ತಾಳೆ....ನಾನು ಅವಳ ಉಪಕಾರಕ್ಕೆ ಪ್ರತ್ಯುಪಕಾರ ಮಾಡೋದು ಬೇಡ್ವಾ ?ಅವಳ daily experiences ನೆಲ್ಲ emotional background ನಲ್ಲಿ scan ಮಾಡ್ಲೇಬೇಕು. ನೀವು ನನ್ನ confidants ಹೇಗೋ ಹಾಗೇ ನಾನವಳ confidant. ಒಮ್ಮೊಮ್ಮೆ ಅವಳ friends emotional ಆಗೋದ್ರೆ ಅವರ ತಕ್ಕ ಹಾಗೆ ಸ್ಪಂದಿಸಲು ಲೋಕಕ್ಕೆ ಗೊತ್ತಾಗದಿರುವ ಹಾಗೆ ನಾನವಳನ್ನ replace ಮಾಡಬೇಕು. ಲಕ್ಷ್ಮಿ ಅವಳು ಹೊರಗೆ...ಒಳಗೆ ನಾವಿಬ್ರು...ನಮ್ಮಿಬ್ಬರ switch overs ಲಕ್ಷ್ಮಿಯ image ನ hamper ಮಾಡ್ಬಾರ್ದು....ಎಷ್ಟ್ ಕಷ್ಟ ಗೊತ್ತಾ ಇದು....ಇಷ್ಟೆಲ್ಲಾ ಇರ್ಬೇಕಾದ್ರೆ ನೀವ್ ನಮ್ಮನ್ನ ಅರ್ಥ ಮಾಡ್ಕೊಳ್ಳದೇ ಈಥರ ಆರೋಪ ಪಟ್ಟಿ ನ ಸಲ್ಲಿಸ್ತೀರಾ ? ಇರ್ಲಿ ಇರ್ಲಿ...head ruled ಬರ್ಲಿ , ಅವಳೇ ಸರಿ ನಿಮ್ಗೆ ಪಾಠ ಕಲ್ಸಕ್ಕೆ. ನಾನಿದರ ಬಗ್ಗೆ ಹೆಚ್ಚು ಮಾತಾಡದಿರುವುದೇ ಒಳ್ಳೆಯದು.

annie : ಎಲ್ಲ್ ಹಾಳಾಗೋಗಿದಾಳೇ ಅವಳು ?

ಪಿಂಟು : ಸದ್ಯ ಮಾತಾಡಿದಳು annie. go ahead and ವಿಚಾರ್ಸ್ಕೋ-fy annie !

Z : ಆಹ !! ತಾವೂ ಬಂದ್ರೋ....ಮಾತಿಗೆ ? annie -ಜಿ ....head ruled ಗೆ preparatory exams ನಡಿತಿದೆ. ನಾಳೆ ಇಂದ ಶುರುವಾಗಬೇಕಿದ್ದ ಪರೀಕ್ಷೆ ಸದ್ಯೋಜಾತನ ಮಹತ್ಕೃಪೆ ಇಂದ ಶುಕ್ರವಾರಕ್ಕೆ postpone ಆಗಿದೆ. ಅದಕ್ಕೆ ಅವಳು ಇವತ್ತು ರಾತ್ರಿ terrace ಮೇಲೆ ಕೂತು astrophysics ಓದುವ sketch ನ ತಲೆ ಲಿ ತಯಾರಿಸುತ್ತಿದ್ದಾಳೆ. ಆದ್ದರಿಂದ preparatory exams ಮತ್ತು ಅದಾದ ತತ್ಕ್ಷಣ ಆರಂಭವಾಗುವ pracs, final theory ಮತ್ತು pracs ಮುಗಿಯುವ ತನಕ (june 22nd) ರ ವರೆಗೂ ಅವಳು ನಿಮಗೆ ಮತ್ತು ಬ್ಲಾಗ್ ಪ್ರಪಂಚದಲ್ಲಿ ಕಾಣಸಿಗುವುದಿಲ್ಲ . ನೀನು ಅವಳನ್ನು ವಿಚಾರಿಸಿಕೊಳ್ಳೊ idea ಇಟ್ಟುಕೊಂಡಿದ್ದರೆ june 22 nd ತನಕ ಕಾಯಿ. ಆಮೇಲೆ ಯಾರು ಯಾರನ್ನ ವಿಚಾರ್ಸ್ಕೋತಾರೆ ಅಂತ ಗೊತ್ತಾಗತ್ತೆ. ನಾನು ಅಷ್ಟೇ...ಅವಳಿಗೆ support ಆಗಿ ಸದ್ಯೋಜಾತನ ಕಡೆಯಿಂದ depute ಆಗಿರೋದ್ರಿಂದ ನಿನಗೂ ಸಿಗುವುದಿಲ್ಲ ಮತ್ತು ಬ್ಲಾಗಿಸಲೂ ಸಾಧ್ಯವಿಲ್ಲ !

annie ಮತ್ತು ಪಿಂಟು : ok !

Z : ಏನ್ ಕಾಲ ಬಂತಪ್ಪ ಸದ್ಯೋಜಾತ ! ಬೊಂಬೆಗಳೂ ok ಅನ್ನೋ ಹಾಗೆ ಆಗೋಯ್ತಲ್ಲ !! ಕಾಲಾಯ ತಸ್ಮೈ ನಮಃ !! ನಿಮ್ಮಿಬ್ಬರನ್ನು ಸರಿಯಾಗಿ ವಿಚಾರಿಸಿಕೊಳ್ಳಲು ಬರ್ತಾಳೆ head ruled , ಜೊತೆಗೆ ನಾನೂ... on june 22nd. ಅಲ್ಲಿ ವರೆಗೂ ....

line on hold.

Annie, ಪಿಂಟೂ, ಮತ್ತು ನಾವು-part 1

Z : ಇಷ್ಟು ದಿನ ನಾನೂ head ruled ಇಬ್ಬರೇ ಮಾತಾಡಿದಿವಿ. ಒಂದು ವಾರದಿಂದ head ruled campus recruitment ನಲ್ಲಿ ಸಖತ್ busy ಆಗೋಗಿದಾಳೆ ಪಾಪ. ನನಗೆ chocolate ಕೊಡಿಸದೇ ಕಾಡಿಸ್ತಿದಾಳೆ !! ಮೊನ್ನೆ ನಮ್ಮ ಪ್ರಾಣ ಸ್ನೇಹಿತರು, ನಿಜವಾದ ಬಂಧುಗಳಾದ annie ಮತ್ತು ಪಿಂಟು ಇಬ್ಬರೂ ಗುಸುಗುಸು ಅಂತಿದ್ರು ನಮ್ಮ wardrobe ನಲ್ಲಿ, ನಮ್ಮ ಬಗ್ಗೆ. ನಾನದನ್ನ ಕದ್ದು ಕೇಳಿಸಿಕೊಂಡೆ. ನಮಗೆ ತಿಳಿಬಾರ್ದು ಅಂತ ಇದ್ದರು, but ನನಗೆ ಗೊತ್ತಿದೆ ಅಂತ ಅವರಿಗೆ ಗೊತ್ತಿಲ್ಲ. head ruled ಬರ್ಲಿ....ಇದನ್ನ ಓದ್ಲಿ , ಆಮೇಲೆ ಏನ್ ಮಾಡ್ಬೇಕು ಅಂತ ಅವಳೆ decide ಮಾಡ್ಲಿ .ತಲೆ ಅವಳಿಗೆ ತಾನೇ ಇರದು ? ಉಪಯೋಗಿಸಲಿ. ಇಷ್ಟು ದಿನ head ruled ಕುಟ್ಟಿದ್ದಳು....ಇವತ್ತು ನಾನು, Z ಕುಟ್ಟುತ್ತಿದ್ದೀನಿ.

ಇವಳ ಹೆಸರು Annie.

ಇವನ ಹೆಸರು ಪಿಂಟು.

ಮೊನ್ನೆಯ ದಿನ ನಾನು chocolate less ಆಗಿ, head ruled ನ " ಲೇ please ಲೇ...ನೀನು full busy ಆಗೋಕೆ ಮುಂಚೆ ಒಂದೆ ಒಂದು chocolate ಕೊಡ್ಸು ಅಂತ ಒಂದು SMS ಕಳಿಸಿದೆ. no reply. ಹೊಸ bedsheet ತೆಗೆಯಲು wardrobe ತೆಗಿಯಣಾ ಅಂತ handle ಹಿಡ್ಕೊಂಡೆ...ಒಳಗಿಂದ ಪಿಸು ಪಿಸು ಮಾತಿನ ಶಬ್ದ !! curiosity ತಡಿಯಕ್ಕಾಗ್ಲಿಲ್ಲ .ಗಮನ ಇಟ್ಟು ಅದು ಯಾರ ಮಾತು ಅಂತ ಪತ್ತೆ ಹಚ್ಚಲು ಯತ್ನಿಸಿದೆ. ಆಗ full josh ನಲ್ಲಿ ಪಿಂಟು ಅಳಲು ತೋಡಿಕೊಳ್ಳುತ್ತಿದ್ದ .

ಪಿಂಟು : ...... ನಮ್ಮನ ಮರ್ತೇಬಿಟ್ಟಿದ್ದಾರೆ ಇಬ್ರು...head ruled + z. ಅಲ್ಲ...ನೀನು 22 ವರ್ಷದಿಂದ and ನಾನು 16 ವರ್ಷದಿಂದ ಅವರಿಬ್ಬರ ಜೊತೆಗೆ ಇದ್ದೀವಿ. ನನಗಿಂತ ನಿಂಗೆ ಚೆನ್ನಾಗಿ ಇವ್ರಿಬ್ರು ಗೊತ್ತಲ್ವ annie ? ಹೀಗೆಂದೂ ಮಾಡೋರಲ್ಲ ಇವ್ರು....ಏನಾಗೊಯ್ತು ???

annie : head ruled ನ ಬಿಡು...ಅವಳು ಯಾವಾಗ್ಲು busy. ಆದರೆ z ಗೆ ಏನ್ ಆಯ್ತು ? ಇತ್ತೀಚೆಗೆ ?

wait......blogging ಶುರು ಮಾಡಿದ್ಮೆಲೆ ಇವ್ರಿಬ್ರು ಹೀಗಾಗಿರದು. ಅಲ್ಲಿ ತಂಕ ನೆಟ್ಟಗಿದ್ದರು.

ಪಿಂಟು : valid point annie. blogging ಶುರುವಾದಮೇಲೆ ನಮ್ಮನ್ನ ನೋಡೋದು ಕಮ್ಮಿಯಾಗಿದೆ. ಇವಿಬ್ಬರೆ ಗುಸುಗುಸು ಅಂತಿರ್ತಾರೆ ಹೊರ್ತು ನಮ್ಮನ್ನ include ಮಾಡ್ಕೊಳ್ಳೋದನ್ನ ಮರ್ತಿದ್ದಾರೆ. ಮತ್ತೆ ನಮ್ಮ ಜೊತೆಗೆ competition ಮಾಡೊಕೆ ಹಿರಣ್ಮಯಿ ಅಂತ ಒಂದು ನೋಕಿಯ ಫೋನ್ ಬಂದಿದೆ. ಫೋಟೊ ತೆಗಿತಿರ್ತಾಳೆ...ಇಲ್ಲ ಮಾತಾಡ್ತಿರ್ತಾಳೆ...ಇಲ್ಲಾ SMS ಕುಟ್ಟ್ತಿರ್ತಾಳೆ. ನಮಗೆ courtesy ಗೆ ಅಂತ ಒಂದು Hi ಬೇಡ್ವಾ ಇವರಿಬ್ರಿಂದ ! ನಿನ್ನ wardrobe ನಲ್ಲಿ...ನನ್ನ curtain rod ಮೇಲೆ ಇರೋ ಹಾಗೆ ಮಾಡಿದ್ದೇ ಈ ಹಿರಣ್ಮಯಿ !!!! ನೋಡು...ಅವಳನ್ನ ಪಕ್ಕದಲ್ಲಿ ಮಲಗಿಸಿಕೊಂಡು ಮಲಗುತ್ತಾಳೆ ಈಗ.... ಬೆಳಗ್ಗೆ ಎದ್ದು ದೇವರ ಫೋಟೋ ನೋಡಿ ನಮಸ್ಕಾರ ಮಾಡಿ...Hi annie...Hi pints !! good morning !! ಅಂತ ಹೇಳೋರು...ಈಗ ... good morning hiranmayi !!!

annie : ಹೂ.....ನಾನೂ notice ಮಾಡಿದೆ....22 years.... ನನ್ನ ಜಾಗನ ಯಾರಿಗೂ ಬಿಟ್ಟು ಕೊಟ್ಟಿರಲಿಲ್ಲ....and 16 years ಇಂದ ನೀನು....ನಮ್ಮಿಬ್ಬರನ್ನು ಓಡಿಸ್ಬಿಟ್ಟಳಲ್ಲ...ಹಿರಣ್ಮಯಿಗೆ ಧಿಕ್ಕಾರ !!

Z :(ಸ್ವಗತ) ಆಹ....ಬೊಂಬೆಗಳಿಗೂ ಅರಿಷಡ್ವರ್ಗಗಳೇ ? ಸದ್ಯೋಜಾತ !!!

annie : ಜಗಳ, ಊಟ, ಪಾಠ ತರಲೆಗಳು ಅಮ್ಮ ಆದ ತಕ್ಷಣ ನನಗೇ ವರದಿಯಾಗುತ್ತಿತ್ತು. ಜಿಂದಗಿ ಮೊದಲು ಸ್ಕೂಲಿಗೆ ಹೋದಾಗ ಅತ್ತಿದ್ದು.....ಆಮೇಲೆ ಬೀನ ಟೀಚರ್ ಅವಳನ್ನ ಚೆನ್ನಾಗಿ ಮಾತಾಡ್ಸಿದ್ರು ಅಂತ ಮನೆಗೆ ಬರಲ್ಲ ಅಂತ ಗಲಾಟೆ ಮಾಡಿ, ಕೊನೆಗೆ ಬೀನಾ ಟೀಚರ್ ಹೇಳಿದ್ಮೇಲೆ lollipop ಕೊಡ್ಸ್ತಿನಿ ಅಂತ...lollipop ಬಾಯಿಗಿಟ್ಟ ಮೇಲೆ ಸ್ಕೂಲಿಂದ ಕಾಲುತೆಗೆದಿದ್ದು ಅವಳು!! ಇದು ನನಗೇ ತಿಳಿದಿದ್ದು ಮೊದಲು.

Z : head ruled inflluence u ಜಾಸ್ತಿ ಇವಕ್ಕೆ...ಭಯಂಕರವಾದ ನೆನಪಿನ ಶಕ್ತಿ !!

ಪಿಂಟು : ಹೌದ ? ನಾನ್ ಬಂದಿದ್ದು ಸಲ್ಪ late -ಉ....ಇದು ಗೊತ್ತಿರ್ಲಿಲ್ಲ. ನಾನು ಹೊಸ್ದಾಗಿ ಬಂದಾಗ ಜಿಂದಗಿ ನನ್ನ ಕೈಲಿ cake ಕತ್ತರಿಸಿ birthday party ಮಾಡಿದ್ದಳು. ನೀನು ಇದ್ದೆ ಅಲ್ಲ ಆಗ. remember ? ಮಂಚದ ಮೇಲೆ ಇವರಿಬ್ರು, ನೀನು, ಮಧ್ಯ ದಿಂಬು, ಆಮೇಲೆ ನಾನು ...ಜಾಗನೇ ಸಾಲ್ತಿರ್ಲಿಲ್ಲ ಅಪ್ಪ ಅಮ್ಮಂಗೆ ಮಲಗಕ್ಕೆ....ನಮ್ಮನ್ನ ಎಷ್ಟೇ ಗೊತ್ತಿಲ್ದೇ ಇರೋ ಹಾಗೆ ಮಂಚದಿಂದ ಸೋಫಾಗೆ transfer ಮಾಡಿದರೂ, ಇವರಿಬ್ಬರಿಗೂ ಗೊತ್ತಾಗಿ, ಎದ್ದು, ಗಲಾಟೆ ಮಾಡಿ, ಕಿರ್ಚಾಡಿ, ವಾಪಸ್ ಯಥಾಸ್ಥಾನಕ್ಕೆ ಬರೋ ತಂಕ ಮಲಗ್ತಿರ್ಲಿಲ್ಲ... head ruled ದು ಏನ್ ಹಠ ಅಲ್ವಾ ? ನೀವು ಮಲಗಬೇಕು, ನಾನೂ ಮಲಗಬೇಕು...ಹಾಗೇ ಅವರೂ ಮಲಗಬೇಕಲ್ವ ? rules are rules ಅಲ್ವಾ ಅಪ್ಪ ? ಅಂತ ನಿದ್ದೆಗಣ್ಣಲ್ಲೇ question ಕೇಳೋಳು !

annie : ಹು...ಸಖತ್ ಹಠ...Z ಏನು ಕಮ್ಮಿ ಇಲ್ಲ.... ಇವರಿಬ್ಬರೂ two opposites ಆದ್ರೂ ಹಠದ ವಿಷಯ ಬಂದಾಗ each other ಗೆ full support !!

ಪಿಂಟು : ಕರೆಕ್ಟು ....

Annie : ಇವರ ಬಳಿ ಇದ್ದ kitchen set ಗೆ ಯಾರಾದ್ರೂ ಬೇರೆಯವರು ಕೈ ಹಾಕೋ ಧೈರ್ಯ ಮಾಡ್ಲಿ ? ಅಷ್ಟೇ !! ಒಂದೇ ಸಲ ಅವರನ್ನ ಓಡಿಸೋರು....ಇನ್ನೊಮ್ಮೆ ಅವರನ್ನ ಆಟಕ್ಕೇ ಕರೀತಿರ್ಲಿಲ್ಲ !!
ಅಮ್ಮ ಕಡಲೇಬೀಜ, ಬೆಲ್ಲ, ಹುರಿಗಡಲೆ ಆಟಕ್ಕೆ + ತಿನ್ನಕ್ಕೆ ಕೊಡೋ ತಂಕ ಅವರ ಸೆರಗು ಬಿಟ್ಟಿದ್ರೆ ಕೇಳು ಇವರಿಬ್ರು ? ಕೊಂಕಳಲ್ಲಿ ನಾನ್ ಬೇರೆ ! ತಮಾಷೆ ನೋಡಕ್ಕೆ. head ruled ಕಟ್ಟೆ ನೆ ಹತ್ತಿಬಿಡೋಳು...ಕಾಟ ತಡೀಲಾರ್ದೆ ಕೊಟ್ಟು ಓಡ್ಸೋರು ಅಮ್ಮ ಇವರನ್ನ....ಆಮೇಲೆ ಇವರು ಮಾಡೊ ಹೊಸ ರುಚಿಗೆಲ್ಲಾ ನಾನೇ ಬಕ್ರಿ ! ಚೆನ್ನಾಗಿರ್ತಿತ್ತು ಅಂತ ಇಟ್ಕೋ...

ಪಿಂಟು : ಹು...ನಾನು ಸೇರ್ಕೊಂಡೆ ಅಲ್ಲ ಬಕ್ರ ಪಾರ್ಟಿಗೆ ಆಮೇಲೆ...

Annie : ನಮ್ಮಿಬ್ಬರಿಗೂ ಸ್ನಾನ ಮಾಡಿಸೋಳು ಪಾಪ everyday... school ಗೆ ಲೇಟ್ ಆಗತ್ತೆ ಅಂತ ಅಮ್ಮ ತಕ ತಕ ಕುಣಿತಿದ್ದರೂ ಒಂದು ಚೊಂಬೂ ಕಮ್ಮಿಯಾಗದಂತೆ ಸ್ನಾನ ಆಗ್ತಿತ್ತು ನಮ್ಗೆ....college ಗೆ ಬಂದ ಮೇಲೆ ಈ ಕೆಲ್ಸಾ ನ ಅಮ್ಮಂಗೆ ಒಪ್ಸಿದ್ಲು head ruled ..ಆಮೇಲೆ ಕ್ರಮೇಣ ನಾವು wardrobe ಪಾಲಾದ್ವಿ !

ಪಿಂಟು : yeah !! remember .... ಕಾಲೇಜಿಗೆ first time ಹೋದಾಗ Z ಬಂದಿದ್ದೆ first ಹೇಳಿದ್ದೇನು ? pints...take my word....you are the cutest....annie, headruled and I stand no chance although !!

ಆಮೇಲೆ, head ruled decided to leave Z at home for the rest of college life. ಅದೊಂದು ಒಳ್ಳೇ ಕೆಲ್ಸ ಮಾಡಿದ್ಲು ನೋಡು ಅವಳು... Z ನ ಹೊರಗೆ ಬಿಟ್ಟ್ರೆ ಕ್ರೌರ್ಯ, ಮೋಸ, ವಂಚನೆ ಎಲ್ಲ ತಡಿಯೋ ಶಕ್ತಿ ಇಲ್ಲ ಇವಳಿಗೆ ಅಂತ...Z ಹಠ ಹಿಡಿದರೂ ಇವಳೂ ಹಠ ಹಿಡಿದು ಇವತ್ತಿನ ವರೆಗೂ ಅವಳನ್ನ ಮನೆಯಿಂದ ಆಚೆಗೆ ಬಿಟ್ಟಿದ್ರೆ ಕೇಳು ? ಅವಳಿಗೆ ಗೊತ್ತಿತ್ತು...Z ಸೋಂಬೇರಿ..... ಕೆಲ್ಸ ಗಿಲ್ಸ... determination-nu....goal - ...target -u .... ಸಾಧನೆ...ಇವೆಲ್ಲ allergy ಅಂತ ! and ಸಖತ್ childish -ಉ Z ಅಂತ . inductive effect ಸಖತ್ತಾಗಿ reduce ಮಾಡಿದ್ಲು head ruled . ಜಿಂದಗಿ ಯಾವಾಗ್ಲು ಹಾಡ್ ಕೇಳ್ತಿರ್ತಾಳೇ...ಹಾಡ್ ಹೇಳ್ತಿರ್ತಾಳೆ... head ruled ಮೇಲಿನ ಕೋಪಕ್ಕೆ ಕೆಲ್ಸ ಮಾಡದೆ ಸಿಗೋ ಬರೋ ಕಥೆ ಪುಸ್ತಕ ಎಲ್ಲಾ ಓದ್ತಾಳೆ !

annie : ನೋಡು... Z ಗೆ ನಮ್ಮ ನೆನ್ಪೇ ಇಲ್ಲ . ಬರೀ ಕಥೆ ಪುಸ್ತಕ... harry potter ಆಯ್ತು... hitchhikers guide ಆಯ್ತು....ಪೂಚಂತೇ ಆಯ್ತು... ಎಸ್ ಎಲ್ ಭೈರಪ್ಪ ಲೇಟೆಸ್ಟು...ಇವಳು ಓದಿ head ruled ಕೈಲೂ ಮತ್ತೆ ಓದಿಸ್ತಾಳೆ ! ಕಥೆ ನಮ್ಗೂ ಹೇಳಿದ್ರೆ ಇವಳ ಗಂಟೇನು ಹೋಗತ್ತೇ ಅಂತ ! head ruled ವಾಸಿ..ಅವಳು ನಮಗೆ every day homework ಮಾಡ್ತಾ science u maths u ಪಾಠ ಮಾಡೋಳು...ಕೆಲವೊಮ್ಮೆ social-u... ನಿದ್ದೆಲಿ ಒಬ್ಬಳು formula/ tables ಕನವರಿಸಿದರೆ ಇನ್ನೊಬ್ಳು ಕಥೆ ಕನವರಿಸೋಳು....ಈಗ ನಮ್ಮನ್ನ ಹೊರಗೆ ದಬ್ಬಿ ಇವೆಲ್ಲದರಿಂದ ವಂಚಿಸಿದ್ದಾರೆ ಇಬ್ರು......ಮನೇಲಿದ್ರೂ ನಮ್ಮನ್ನ ನೋಡ್ಕೊಳ್ಳದೇ ಇರೋ Z ಗೆ ಕ್ಷಮೆ ಇಲ್ಲ...

Z : ತಂದ್ರು ನನ್ ಕುತ್ತಿಗೆ ಗೆ ಎಲ್ಲ... ಇಂಥಾ opportunity ನ miss ಮಾಡ್ಕೊತಾಳ head ruled ಉ...ಎಲ್ಲಾರ್ ಕೋಪಾ ನೂ ಸೇರ್ಸಿ ತೀರ್ಸ್ಕೋತಾಳೆ ನನ್ಮೇಲೆ !!! ಕರ್ಮಕಾಂಡ...ಬಾಗಿಲು ತೆಗೆದು ಉಗಿಲಾ ಇವರಿಬ್ಬರಿಗೂ...ಅಥ್ವಾ ಪೂರ್ತಿ ಕಥೆ ಕೇಳಿಸಿಕೊಳ್ಳಲಾ ? ಅದೇ ಸರಿ...ಅದ್ ಏನ್ ಏನ್ ಹೇಳ್ತಾರೋ ಕೇಳ್ಬಿಡಣ...ಆಮೇಲೆ ನೋಡ್ಕೋತಿನಿ ಇವರನ್ನ....

ಪಿಂಟು : you are lucky....you stay in wardrobe... ನನ್ನನ್ನ.... curtain rod ಗೆ ನೇತಾಕಿದಾರೆ ನೋಡು ಇವರಿಬ್ಬರೂ... hopeless fellows !.... ಅಳು ಉಕ್ಕಿ ಉಕ್ಕಿ ಬರ್ತಿದೆ...ನೆನ್ನೆ...ನೆನ್ನೆ.... ಅಮ್ಮ ನನ್ನ ಪಾಡು ನೋಡಲಾಗದೇ ನಿನ್ ಹತ್ರ ಕರ್ಕೊಂಡ್ ಬಂದ್ರು...ಒಳ್ಳೆ ಜಾಗ ಸಿಕ್ತಲ್ಲ...ಸುಧಾರ್ಸ್ಕೊಳ್ಳೋಣ ಅಂತ ಒಂದು ದಿನ full ನಿದ್ದೆ ಮಾಡಿದೆ...ನೀನು ಮಲ್ಗಿದ್ದೆ....ಪಾಪ ನಿಂಗೂ ತೂಕಡಿಸೋದು ಬಿಟ್ಟ್ರೆ ಇನ್ನೇನ್ ಕೆಲ್ಸಾ? no gossips to brew...no issues to talk.... life - ಏ ಕೆಟ್ಟೊಯ್ತು ನೋಡು ನಮ್ದು....

Z : gossip ಬೇಕಾ ? ಕರ್ಮಕಾಂಡ !! ಇಲ್ಲಾ....ಇನ್ನಾಗಲ್ಲ...ತೆಗಿತಿನಿ door ನ.

ಕ್ರೀಈಈಈಕ್ !!!

ಏನ್ ವಟಗುಟ್ಟುತ್ತಿದ್ದೀರಿ ಇಬ್ರೂ......???

(ಸಶೇಷ)

a macroscopic uncertainty called life !!!!!!!

Z : ಎಂಥಾ realisation ಉ !!!!!!!!!!!!!!!!!!!!!!!!!!!!!!!!

ನಾನು : ಹು.....ಯಾಕೋ life ಇಷ್ಟೋಂದು uncertain ಆಗತ್ತೆ ಅಂತ ಗೊತ್ತೇ ಇರ್ಲಿಲ್ಲ. And ಅದನ್ನ accept ಊ ಮಾಡ್ಕೊಳ್ಳೊಕಾಗ್ತಿಲ್ಲ !!!!!!!!!!!!!!!!!!!!

Z : ಅಂಥದ್ದೇನ್ ಆಗೋಯ್ತು ಅಂತ ?
ನಾನು : campus recruitments ಶುರು ಮುಂದಿನ ವಾರದಿಂದ .

Z : ಅಷ್ಟೇ ತಾನೆ ?

ನಾನು : what do you mean ? ಯಾವ್ ಕೆಲ್ಸಾ ಅಂತ ಮಾಡೋದು ? ಏನೂ ಅಂತ ಮಾಡೊದು ? how many entrances to write ? how many places to travel ???????????????????????????

Z : question mark ಹಾಕಿರೋ rate ನೋಡಿದ್ರೆ ನಂಗೆ ಭಯ ಆಗತ್ತೆ !!!!!!!!!!!!!!

ನಾನು : ನಂಗೆ ಭಯ ಇಲ್ಲ......... but uncertainty ತುಂಬಾ ಜಾಸ್ತಿ ಆಯ್ತು ಅನ್ಸ್ತಿದೆ. focus ಮಾಡ್ಬೇಕು ಸಲ್ಪ. research oriented jobs ಬರ್ದೇ ಇದ್ರೆ ಏನ್ ಮಾಡೊದು ?

Z : ಹುಡುಕಿಕೊಂಡು ಹೋಗೋದು.

ನಾನು : hmmmmmmmm....................ನೋಡೋಣ. but z.....ಆರಾಮ್ student life ಇಂದ suddenly professional life ಗೆ enter ಆಗು ಅಂದ್ರೆ ?

Z : Its another phase of life..........lets hope for a good beginning.

ನಾನು : yeah ..............but...........I want to do research !!!!!!!!!!!

Z : ok ok ok !!!!!!!!!!!!!! ಕಿರುಚಬೇಡಾ !!!!!!!!!!!!!

ನಾನು : ಹು.... I hope i do it .

Z : you will...

ನಾನು : together we can !!!!!!!!!!!!! ಇದ್ರಲ್ಲಿ uncertainty ಇಲ್ಲ ನೋಡು !!! but ಗೂಬೆ.... last moment ನಲ್ಲ್ಲಿ pessimistic ಆದ್ರೆ ನೀನು.......... ಅಷ್ಟೇ !!!!!!!!!!!

Z : ಇಲ್ಲ ಇಲ್ಲ.... I promise. full confidence ಇಂದ ಮುನ್ನುಗ್ಗಣ....together !!!

ನಾನು : ವೊವ್ !!! ಇಷ್ಟ್ ಬೇಗ ದಾರಿಗೆ ಬಂದೆ !!! I like it !!

Z : ಹೆ ಹೆ ಹೆ !!!!!!!!!

ನಾನು : ಸರಿ....ಹೊರ್ಟೆ....

Z : ಅಹ !! ಹೊರ್ಟ್ವಿ !! to prepare for the best !!!

(line on hold )

ಅಥ ಏಕೋನವಿಂಶತಿತಮ ಪುರಾಣಮ್ - ಆಟೋ ಪುರಾಣಮ್ - passport interview ಕಾಂಡಃ

Z : ಅರ್ರೆ ಹೌದು......ನಿನ್ ಕೈಗೆ ಪಾಸ್ ಪೋರ್ಟ್ ಬಂತಾ ? ನಿನ್ನ ಯಾವ್ದೋ application ಗೆ passport required ಅಂತಿತ್ತಲ್ವಾ ?

ನಾನು :ಹೌದು. For some purpose . ಕಡೆಗೂ ಬಂತು !! with great difficulty . interview ಆಯ್ತಲ್ಲ last sem exam time nalli. ಅಲ್ಲಿ ನಡೆದ ಕಥೆ ಉಪಪುರಾಣ ಆಗತ್ತೆ Z . ಈಗ ಈ ಆಟೋ ಕಥೆ continue ಮಾಡ್ತಿನಿ.

Z : ಹ ಹ....ಮುಂದುವರೆಸು !

ನಾನು : ಕೀರ್ತನಾರಂಭಕಾಲದಲ್ಲಿ....

Z : ಅದೆಲ್ಲ ನಾನೆ ಮನಸ್ಸಿನಲ್ಲಿ ಹೇಳ್ಕೊತಿನಿ....come to the point.

ನಾನು : ಲೇ !!! ಇದು ಪುರಾಣ !! ಇದಕ್ಕೆ ಸಿಕ್ಕ್ ಸಿಕ್ಕಾಪಟ್ಟೆ description, length ಇರ್ಬೇಕು ಅನ್ನೋದು ಪುರಾಣದ definition u . ಒಬ್ಬ physicist ಆಗಿ definition follow ಮಾಡ್ದೇ ಇದ್ರೆ ಗತಿ ಯೇನು ?????

Z : ನೀನು definition ನ follow ಮಾಡದೇ science ನ revolutionise ಮಾಡು head ruled !!! break the rules !!!


ನಾನು : ಆಗಲ್ಲ....chance ಎ ಇಲ್ಲ. ನಾನು ನಿನ್ ಥರ ಹೇಗ್ ಹೇಗೋ ಯೋಚನೆ ಮಾಡೋಕೆಲ್ಲ ಆಗಲ್ಲ. i am basically very organised in thought u see....


Z : ಜನ್ಮದಲ್ಲಿ ಹಠ ಬಿಡಲ್ಲ...ಸರಿ ಮಾ.....ಶುರು....


ನಾನು : ಕಲಿಯುಗದ ಪ್ರಥಮ ಪಾದದಲ್ಲಿ, ಶಾಲೀವಾಹನ ಶಕೆಯಲ್ಲಿ, 2007 ನೇ ವರ್ಷದಲ್ಲಿ, ಮಾರ್ಗಶಿರ ಮಾಸದಲ್ಲಿ(december 20th ) ರಂದು ಕಾಲೇಜಿನಲ್ಲಿ ಪರೀಕ್ಷೆ ಮುಗಿದ ಮಾರನೇ ದಿನದ [ಅ]ಶುಭ ಮುಹೂರ್ತದಲ್ಲಿ, ಭಾಗ್ಯದಾಯಕವಾದ ಬಲಗಾಲನ್ನು ತ್ರಿಚಕ್ರವಾಹನದಲ್ಲಿ ಮೊದಲು ಇಟ್ಟು ಕುಳಿತಿದ್ದೆಯಾದರೂ ಸಂಭವಿಸಿದ [ದುರ್]ಘಟನೆ ಇದು !


exam ಮುಗಿದು ಹೋಯ್ತು ಅಂತ ಸಖತ್ ಖುಷಿ ಆಯ್ತು !! ಮಧ್ಯಾಹ್ನ ಕೋರಮಂಗಲ ಪಾಸ್ಪೋರ್ಟ್ ಆಫೀಸಿಗೆ ಹೋಗಿ interview attend ಮಾಡೋದಿತ್ತು. ಅದಕ್ಕೆ ಕೆಲವು documents ಬೇಕಿತ್ತು. documents ತಗೊಂಡು, ಕತ್ರಿಗುಪ್ಪೆ ಇಂದ gandhi bazaar ಗೆ ಹೋಗಿ ಅಲ್ಲಿಂದ ಇನ್ನಷ್ಟು documents collect ಮಾಡಿಕೊಂಡು ಕೋರಮಂಗಲಕ್ಕೆ ಹೋಗಬೇಕಿತ್ತು. ಸರಿ, ಕತ್ರಿಗುಪ್ಪೆ ಇಂದ ಬಸ್ ನಲ್ಲಿ ಹೋಗಲು ಕಾದೂ ಕಾದೂ ಸಾಕಾಗಿ,ಕಡೆಗೆ ಆಟೋ ಹತ್ತಿದೆ.

Z : so far so good. continue.

ನಾನು : ಅವನು ಗಾಡಿ ಸರಿಯಾಗೇ ಓಡಿಸಿದ.....ಗಾಂಧಿ ಬಜಾರ್ನಲ್ಲಿ ನಿಲ್ಲಿಸಿದ. ಮೀಟರ್ ನಲವತ್ತು ತೋರ್ಸ್ತಿತ್ತು. ಕತ್ರಿಗುಪ್ಪೆ ಇಂದ exactly 3.5 kms ಇದೆ . 21 ಆಗ್ಬೇಕಿತ್ತು ಅಂತ ಕೇಳಿದೆ.


ಅವನು : ಮೇಡಮ್.....ಮೀಟರ್ ಸರೀಗಿದೆ. ನಿಮಗೆ ಮೀಟರ್ ಹೇಗೆ ಓಡತ್ತೆ ಅಂತ ಗೊತ್ತಿಲ್ಲ...ಸುಮ್ಮನೆ ಮಾತಾಡದೇ ನಲವತ್ತು ರೂಪಾಯಿ ಕೊಡಿ.

ನಾನು : ಮೀಟರ್ ಹೇಗೆ ಓಡತ್ತೆ ಅಂತ ನಮಗೆ ಗೊತ್ತಿಲ್ಲಾ ಅಂದುಕೊಂಡಿದೀರಾ ? ೨ ಕಿಲೊಮೇಟರ್ ಗೆ ಹನ್ನೆರಡು ರೂಪಾಯಿ,( last december nalli rates revise aagirlilla ) . ನಂತರ ಪ್ರತಿ ನೂರು ಮೀಟರ್ ಗೆ ಐವತ್ತು ಪೈಸೆ ತಾನೆ ?

ಅವನು :ನೂರು ಮೀಟರ್ ನ ಹೇಗೆ ಅಳಿತೀವಿ ಅಂತ ನಿಮ್ಗೆ ಗೊತ್ತಿಲ್ಲ ಮೇಡಮ್....ಗಲಾಟೆ ಮಾಡ್ಬೇಡಿ...ಈಗಿನ ಕಾಲದ ಮಕ್ಕಳು...ಬರೀ ಪುಸ್ತಕದ ಬದನೇಕಾಯಿ...ಒಂದು ಚೂರು common sense ಇಲ್ಲ.

ನಾನು : ಓಹ್ !! ನನ್ನ common sense and general knowledge ವರೆಗೂ ಬಂತಾ ಈ ವಿಷಯ ? ಸರಿ, ತಾವು ಸರ್ವಜ್ಞರಲ್ಲವೇ ? ಎರಡು light ಕಂಬಗಳ ನಡುವಿನ ಅಂದಾಜು ಅಂತರ ಯೆಷ್ಟು ?

ಅವನು : ಮೌನ.

ನಾನು : ಸರ್ವಜ್ಞರೇ...ಮರೆತುಹೋಗಿದ್ದೀರಿ ಅನ್ಸತ್ತೆ...ಹೋಗ್ಲಿ ಬಿಡಿ, ಎರಡು ಬಸ್ ಸ್ಟಾಪ್ ನಡುವಿನ ಅಂತರ ಯೆಷ್ಟು ?

ಅವನು : ಮೌನ continued.

ನಾನು : common sense ಇಲ್ಲ ಅಲ್ವಾ ನಮ್ಗೆ ? ಅದಕ್ಕೆ ನೋಡಿ ನಮ್ಗೆ ಗೊತಾಗಿರೋದು, ಎರಡು light ಕಂಬಗಳ ಅಂದಾಜು ಅಂತರ ಐವತ್ತು ಮೀಟರ್‍ ಮತ್ತು ಎರಡು ಬಸ್ ಸ್ಟಾಪ್ ನ ಅಂತರ ಅರ್ಧ ಕಿಲೋಮೀಟರ್ (ಕೆಲವೊಮ್ಮೆ ಒಂದು ಕಿಲೋಮೀಟರ್)ಅಂತ....ನಿಮ್ಗೆ common sense ಇದೆ...ಅದಕ್ಕೆ ಗೊತಾಗ್ಲಿಲ್ಲ.

ಅವನು : ಇರ್ಬಹುದು...ಅದಕ್ಕೂ ಇದಕ್ಕೂ ಏನ್ ಸಂಬಂಧ ? ಕೊಡಿ ದುಡ್ಡು.

ನಾನು : ನಾನು ಮೊದಲಿಂದಲೇ ಗಮನಿಸ್ತಾಯಿದೀನಿ...ನಿಮ್ಮ ಮೀಟರ್ರು ಒಂದೇ ಕಿಲೋಮೇಟರ್ ಗೆ ಓಡಕ್ಕೆ ಶುರು ಮಾಡಿದೆ...ಸೀತಾ ಸರ್ಕಲ್ಲಿಗೆ ಬರೋವಾಗ್ಲೇ ಮೀತರ್ ಓಡ್ತಿತ್ತು..(ಕತ್ರಿಗುಪ್ಪೆ ಇಂದ ಸೀತಾ ಸರ್ಕಲ್ಲು ಒಂದು ಕಾಲು ಕಿಲೋಮೀಟರ್ರು )...ಸೀತಾ ಸರ್ಕಲ್ ಎಲ್ಲಿ...ಗಾಂಧಿ ಬಜಾರ್ ಸರ್ಕಲ್ ಎಲ್ಲಿ ? ಹೇಗೂ ಪೋಲೀಸ್ ಸ್ಟೇಷನ್ ಮುಂದೆ ನೆ ಅನಾಯಾಸವಾಗಿ ಗಾಡಿ ನಿಲ್ಲಿಸಿದ್ದೀರಿ. ನಡಿರಿ ಒಳಗೆ...ಅಲ್ಲೇ ದುಡ್ದ್ settle ಮಾಡ್ತಿನಿ.

ಹತ್ತಿದೆ ಮೆಟ್ಟಿಲು ಪೊಲೀಸ್ ಸ್ಟೇಷನ್ ದು.


ಅವ ಹಿಂದಿನಿಂದ... ಮೇಡಮ್ !!!!!!!!!!!!!!!!!!

ನಾನು : ಏನು ? ಬರ್ತಿರಾ ಇಲ್ವಾ ಒಳಗೆ ?

ಅವನು : ಕ್ಷಮಿಸಿಬಿಡಿ ಮೇಡಮ್ ...ನಿಜ್ವಾಗ್ಲು ತಪ್ಪಾಯ್ತು. ನಿಮ್ಮಂಥವರಿಗೆ ಇದೆಲ್ಲ ಗೊತ್ತಿರಲ್ಲ ಅಂದುಕೊಂಡೆ....ಸಾರಿ. ಕೊಡಿ ಯೆಷ್ಟ್ ಕೊಡ್ತೀರೊ....

ನಾನು : ತಗೊಳ್ಳಿ ಇಪ್ಪತ್ತೊಂದು ರೂಪಾಯಿ. 3. 5 kms ಗೆ.

ಮರು ಮಾತಾಡದೇ ದುಡ್ಡು ತಗೊಂಡು ಹೊರಟ. document collect ಮಾಡಿ, ಬಸ್ ನಲ್ಲಿ ಕೋರಮಂಗಲಕ್ಕೆ ಹೋದೆ !!

Z : auto meter analogy ಮೇಲೆ sewing machineಗೆ bobbin thread level indicator fabricate ಮಾಡಿ, ದಾರ ಖಾಲಿ ಆದಾಗ ಗೊತ್ತಾಗೋ ಹಾಗೆ indicator ನ fabricate ಮಾಡಿ IIsc ಗೆ select ಆಗಿದ್ದೀ ನೀನು out of some 14 thousand people in the entire country...the lucky 42 under KVPY programme ...while graduation isn't it ? ನಿನ್ ಕೈಲಿ ಸಿಕ್ಕಾಕೊಂಡ !!!

ನಾನು : yeah ! its not that I know these things because I have fabricated meters which measure distances and length, but it is common sense which everybody ought to have Z . see, ನಮಗಿಂಥದ್ದು ಗೊತ್ತಿಲ್ಲಾ ಅಂತಾನೇ ಇವರು ನಮ್ಮನ್ನ ಆಟ ಆಡ್ಸೋದು. analogue meters ದು ಒಂದು ಥರಾ ಕಾಟ ಆದ್ರೆ digital ದು ಇನ್ನೊಂದು ಥರ. ಕೆಲವು ಮೀಟರ್ಗಳಲ್ಲಿ the money increases even before the meter records 100 meters. ಇಲ್ಲಿ calibration ಎ ಸರಿಗಿಲ್ಲ . As I had designed the meters in both versions, i know the drawbacks of them. analogue meters do not show the waiting time but keep running when the engine is on in a signal...(thats why most drivers do not switch off engines) . digital ones show the waiting time, but no calibration ( that is one does not know for how many seconds/minutes the meter runs to the next value ). ಹೀಗೆ ಒಂದನ್ನೂ ಸರೀಗೆ ಮಾಡ್ದೆ, ನಮ್ಮ ದುಡ್ದನ್ನ ಅನವಶ್ಯಕವಾಗಿ ಪೋಲು ಮಾಡಿಸ್ತಾರೆ really.

We need to educate ourselves !! Its all for us....and for our protection.

Z : ನಿಜ. ಒಪ್ಪುತೀನಿ . ನಾವು ಹುಷಾರಾಗಿರ್ಬೇಕು. ಹೋಗೋವಾಗ meter ಸರಿಗಿದಿಯಾ ಅಂತ ನಿನ್ನ ಥರ ಎರಡು light poles ಮಧ್ಯದ distance ಗೆ calibrate ಮಾಡ್ಬೇಕು ಮೀಟರ್ ನ. ಇವರು ಬೇಕೂ ಅಂತ ಹಳ್ಳ ದಿಣ್ಣೆಗಳಲ್ಲಿ ಓಡಿಸ್ತಾರೆ...ನಮಗೆ ಅದನ್ನ total distance ಇಂದ subtract ಮಾಡ್ಬೇಕು ಅಂತ ಗೊತ್ತಿರತ್ತೆ....ಅದ್ರೆ meter ಗೆ ? its a measurement too !! meter keeps running !! ಆದ್ದರಿಂದ...ಕಳಪೆ ರೋಡ್ ಗಳಲ್ಲಿ ಹುಷಾರಾಗಿರ್ಬೇಕು .

ನಾನು : good ಕಣೆ !! ನೀನು ತಕ್ಕಮಟ್ಟಿಗೆ ಕಲ್ತೆ physics and maths ನ !! i am happy !! ನಿನ್ನ ಥರ ಎಲ್ಲರ್ಗೂ ಇದು ಗೊತ್ತಾದ್ರೆ ಸಾಕು. ಪುರಾಣ ರಚನೆಯ ಉದ್ದೇಶ ಸಾರ್ಥಕವಾಗತ್ತೆ.

ಇತಿ ಆಟೋ ಪುರಾಣೇ ಪಾಸ್ಪೋರ್ಟ್ interview ಕಾಂಡಃ ಸಂಪೂಣಃ

(line on hold)

(ಸಶೇಷ)

ಅಥ ಎಕೋನವಿಂಶತಿತಮ ಪುರಾಣಮ್- ಆಟೋ ಪುರಾಣಮ್- ಸೌತ್ ಎಂಡ್ ಸರ್ಕಲ್ ಕಾಂಡ

Z : ಇರೋ ಹದಿನೆಂಟು ಪುರಾಣಗಳನ್ನೇ ಜನರಿಗೆ ಓದಕ್ಕೆ time ಇಲ್ಲ...ಇನ್ನು ನೀನು ಹತ್ತೊಂಭತ್ತನೇ ಪುರಾಣ ನ ರಚನೆ ಮಾಡಿದ್ರೆ ಗತಿ ಎನು ?

ನಾನು : ಇದು ಹಾಗಲ್ಲ ವಿಷಯ Z .ಜನರು ಆ ಹದಿನೆಂಟು ಪುರಾಣಗಳನ್ನ ನಿಧಾನವಾಗಿ ಓದಲಿ. ಆದರೆ ಇದು current issue ಬಗ್ಗೆ ಇರೋದು. ಇದನ್ನ ಓದಲು ಜನ time ಮಾಡಿಕೊಂಡರೆ ಒಳ್ಳೆಯದು. ಪುರಾಣಗಳಂತೆ ಇದನ್ನು ಓದುವುದರಿಂದ ಉಪಯೋಗವಂತೂ ಖಂಡಿತಾ ಇದೆ. But let me make myself clear. ನನಗೆ ಯಾಜ್ಞವಲ್ಕ್ಯರಂತಾಗಲಿ, ನಾರದರಂತಾಗಲೀ ಆಗಲು ಖಂಡಿತಾ ಆಸೆ ಏನು ಇಲ್ಲ. but it so happens that, It just happens !!!!

Z : ಕರ್ಮಕಾಂಡ !! continue.

ನಾನು : correction. ಇದು ಸೌತ್ ಎಂಡ್ ಸರ್ಕಲ್ ಕಾಂಡ. Well, to start with....

Z : ಲೇ..................ಕನ್ನಡದಲ್ಲಿ ಶುರು ಮಾಡು !!


ನಾನು : ಹ ! ನೆನಪಿಸಿದ್ದಕ್ಕೆ ಧನ್ಯವಾದಗಳು ( ಥ್ಯಾಂಕ್ಸ್ ಅಂದ್ರೆ ಒದಿತಾಳೇ ಅನ್ಸತ್ತೆ ! )

ಕಲಿಯುಗದ ಪ್ರಥಮ ಪಾದದಲ್ಲಿ, ಶಾಲೀವಾಹನ ಶಕೆಯಲ್ಲಿ, ೨೦೦೮ ನೇ ವರ್ಷದಲ್ಲಿ, ಚೈತ್ರ ಶುದ್ಧ ದ್ವಿತೀಯಾ (ಏಪ್ರಿಲ್ ೯ )ರಂದು ಕಾಲೇಜಿನಲ್ಲಿ ಪರೀಕ್ಷೆ ಪ್ರಾರಂಭವಾದ ದಿನದ [ಅ]ಶುಭ ಮುಹೂರ್ತದಲ್ಲಿ, ಭಾಗ್ಯದಾಯಕವಾದ ಬಲಗಾಲನ್ನು ತ್ರಿಚಕ್ರವಾಹನದಲ್ಲಿ ಮೊದಲು ಇಟ್ಟು ಕುಳಿತಿದ್ದೆಯಾದರೂ ಸಂಭವಿಸಿದ [ದುರ್]ಘಟನೆ ಇದು !

Z : hmm...ಆಮೇಲೆ....

ಕೈಯಲ್ಲಿ ನನ್ನ ಅತಿ ಭಾರವಾದ ನೀಲಿ folder-ಉ....ಅದರೊಳಗೆ ಕಷ್ಟ ಪಟ್ಟು ಕುಳಿತಿರುವ ನನ್ನ astrophysics notes...[i seriously think astrophysics notes must be in "space" ....they can be better accessed and understood there and very well written ......ಇರ್ಲಿ ಇದು ಉಪಕಥೆ ಆಗೋಗತ್ತೆ....ಪುರಾಣದ ಬಗ್ಗೆ ಮಾತಾಡೋಣ]

ಇಟ್ಕೊಂಡು ಅಕ್ರಮ - ಸಕ್ರಮ ಗಲಾಟೆಯಲ್ಲಿ ತ್ರಿಶಂಕು ಸ್ಥಿತಿಯಲ್ಲಿರುವ, ಅರ್ಧ ನಿರ್ಮಿತವಾಗಿರುವ ರಶ್ಮಿ ಕಲ್ಯಾಣ ಮಂಟಪದ ಬಳಿ ಬಂದು ನಿಂತೆ. ಎಂದಿನಂತೆ ಹತ್ತು ನಿಮಿಷ ಕಾದಮೇಲೆ ಆಟೋ ಒಂದರ ದಿವ್ಯದರ್ಶನವಾಯಿತು. "South end circle ?" ಅಂದೆ. "ಹತ್ತಿ ಮೇಡಂ" ಅಂದ. ವಿದ್ಯಾಪೀಠದಿಂದ ಬನಶಂಕರಿ ೨ನೆ ಹಂತಕ್ಕೆ ಹೋಗುವ ರಸ್ತೆಯಲ್ಲಿ ಆಟೋ ತಿರುಗಿಸುತ್ತಿದ್ದ. ನಾನು last minute revision ಮಾಡುತ್ತಿದ್ದುದರಿಂದ ಅವನು ನನ್ನ ದಾರಿ ತಪ್ಪಿಸಲು ಕಾಯುತ್ತಿದ್ದ.....But ಸಿಕ್ಕಾಕೊಂಡ.

" ಹೇಗ್ರಿ ಹೋಗ್ತಿದ್ದೀರಿ ?" ಎನ್. ಆರ್. ಕಾಲೋನಿ ಮೇಲೆ ಹೋಗಿ...ಏನು ಜಯನಗರ full ಸುತ್ತಿಸಿ south end circle ಗೆ ಕರ್ಕೋಂಡ್ ಹೋಗ್ತೀರಾ ? ಅಂತ ಸಲ್ಪ light ಆಗಿ ಗದರಿದೆ. first shock ಅವನಿಗೆ. ಅವನಿಗೆ ನಂಗೆ ಕನ್ನಡ ಬರತ್ತೆ ಅಂತಾನೇ ಗೊತ್ತಿರ್ಲಿಲ್ಲ.ಕೈಯಲ್ಲಿ folder, ನೇತು ಹಾಕಿಕೊಂಡಿರುವ ಪರ್ಸ್ ಮತ್ತು handsfree mode ನಲ್ಲಿದ್ದ ಮೊಬೈಲ್ ನೋಡಿ ನನ್ನನ್ನು ಕಾಲ್ ಸೆಂಟರ್ employee ಎಂದು ಭಾವಿಸಿದ್ದನೇನೋ !! ಬ್ರಿಟೀಷರ ಬಳುವಳಿ " ಸಾರಿ" ಪದವನ್ನು ಬಿಟ್ಟಿ ಬಿಸಾಕಿ ಗಾಡಿ ನೇರ ನಡೆಸಿ ಎನ್. ಆರ್ ಕಾಲೋನಿಗೆ ಬಂದ.ಅಲ್ಲಿಂದ ನಾಗಸಂದ್ರ ವೃತ್ತದಲ್ಲಿ ತಿರುಗಿಸಿ ಮತ್ತಷ್ಟು ಸುತ್ತಿಸಲು ನೋಡಿದ. ನಾನು ಹೀಗೆ ಬೇಡ...ಸೀಧಾ ಹೋಗಿ ಅಂದೆ. ಅವನು ಕಣ್ಣು ಕೆಕ್ಕರಿಸಿ " ಏನ್ ಮೇಡಂ ನಮಗೆ ರೂಟ್ ಗೊತ್ತಿಲ್ಲ ಅಂತ ಅಂದುಕೊಂಡಿದ್ದೀರಾ ? ನಾವೂ ಬೆಂಗಳೂರಿಗರೇ !!! " ಆಂದ. ನಾನು " ಗೊತ್ತಾಯ್ತು ಬಿಡಿ ! ನೀವು ಬನಶಂಕರಿ ಸೆಕೆಂಡ್ ಸ್ಟೇಜ್ ಗೆ ಗಾಡಿ ತಿರುಗಿಸಿದಾಗ್ಲೇ ಗೊತಾಯ್ತು ನೀವು ಬೆಂಗಳೂರಿಗರೇ ಅಂತ. ನಾವು ಹೇಳಿದ ಹಾಗೆ ಓಡಿಸೋಕೆ ನೀವು ಇರದೋ ಅಥವಾ ನಿಮ್ಮ ಆಜ್ಞೆ ಆಣತಿ ಅಪ್ಪಣೆಗಳನ್ನ ಪಾಲಿಸೋಕೆ ನಾವೋ ? " ಅಂದೆ. ಕನ್ನಡ ಕೇಳಿ ಭಯ ಆಯ್ತು ಅನಿಸುತ್ತೆ....ಸುಮ್ನೆ ಮಾತಾಡದೇ ಸೌತ್ ಎಂಡ್ ಸರ್ಕಲ್ ಗೆ ಬಂದ. ಸಿಗ್ನಲ್ ಇತ್ತು. ಪೂರ್ತಿ ಮೂರು ನಿಮಿಷ. ನಾನು " ರಾಮಕೃಷ್ಣ ಆಸ್ಪತ್ರೆ ರಸ್ತೆಯಲ್ಲಿ ಹೋಗಿ ಅಂದೆ. ಬೆಂಗಳೂರಿಗ...ಗೊತ್ತಿದೆ ಅಂತ ಕೊಚ್ಚಿಕೊಳ್ಳುತ್ತಿದ್ದ ಭೂಪನಿಗೆ. ಅವನು ನೀಟ್ ಆಗಿ ಆರ್.ವೀ ರಸ್ತೆಯಲ್ಲಿ ಗಾಡಿ ತಿರುಗಿಸಿದ. ನನಗೆ ರೇಗೇ ಹೋಯ್ತು.


Z : ಹ್ಮ್ಮ್ಮ್.....ಕಾಳಿಯ ಅವತಾರವಾಯ್ತು....ಅದೂ ಬೆಳಗ್ಗೆ ಬೆಳಗ್ಗೆ !!
ನಾನು : I couldn't help it Z . internals tension ಬೇರೆ. ಸಮಯ ಎಂಟು ಇಪ್ಪತ್ತಾಗಿತ್ತು. ೮.೪೫ ಗೆ ಪರೀಕ್ಷೆ. "ನಿಲ್ಲಿಸಿ ಗಾಡಿ" ಎಂದೆ. "ಓಹ್ ...ಸಾರಿ ಮೇಡಂ....ನೀವು ರಾಮಕೃಷ್ಣ ನರ್ಸಿಂಗ್ ಹೋಮ್ ರಸ್ತೆ ಅಂದಿರಿ....ಇಲ್ಲೇ ವೆಸ್ಟ್ ಗೇಟ್ ಬಳಿ ಯು ಟರ್ನ್ ತಗೋಂಡು ವಾಪಸ್ ಬರ್ತಿನಿ" ಅಂದ. "ಗಾಡಿ ನ ಇಲ್ಲೇ ಲೆಫ್ಟ್ ನಲ್ಲಿ ನಿಲ್ಲಿಸ್ತೀರೋ ಇಲ್ಲವೋ...." ಗುಡುಗಿದೆ. ಮೊಬೈಲ್ ಇಂದ ಚೈತ್ರಳ ತಂದೆ ಲಾಯೆರ್ ಅಂಕಲ್ ಗೆ ಡಯಲ್ ಮಾಡಲು ನಂಬರ್ ರೆಡಿಯಾಗಿಟ್ಟಿದ್ದೆ. ಆದರೆ ಪರಿಸ್ಥಿತಿ ಅಲ್ಲಿಗೆ ಹೋಗಲಿಲ್ಲ. ಅವನು ಮರುಮಾತಾಡದೇ ನಿಲ್ಲಿಸಿದ. ಮಿನಿಮಮ್ ಈಗ ಹದಿನಾಲ್ಕಾದರೂ ಅವನು ಮೀಟರ್ ಅಪ್ಡೇಟ್ ಮಾಡಿಸಿರಲಿಲ್ಲ. ಮೂವತ್ತು ರೂಪಾಯಿ ಆಗಿತ್ತು. "ನಲವತ್ತು ಕೊಡಿ...ಫಾರ್ಟಿ ರುಪೀಸ್ " ಎಂದ.

ನಾನು : " ಮೀಟರ್ conversion table ಎಲ್ಲಿ ?"

ಅವನು : "ಮನೇಲಿದೆ "

ನಾನು : ತಿಜೋರಿಯಲ್ಲಿಟ್ಟು ಬೀಗ ಹಾಕಿ. ಕಳೆದು ಹೋಗದಂತೆ ಕಾಪಾಡಿಕೊಳ್ಳಿ. ಅದಿರಲಿ, ಮೀಟರ್ ಮೂವತ್ತು ತೋರಿಸುತ್ತಿದ್ದರೆ ನಾನು ಕೊಡಬೇಕಿರುವುದು ಮೂವತ್ತೈದಲ್ವಾ...ಹೇಗೆ ನಲವತ್ತಾಯಿತು ?

ಅವನು : ಮೇಡಮ್ ನಿಮಗೆ ಈ ಲೆಕ್ಕಚಾರಗಳೆಲ್ಲಾ ಅರ್ಥ ಆಗಲ್ಲ.... ಎಂಥೆಂಥದೋ ಲೆಕ್ಕ ಮಾಡ್ಬೇಡಿ. ಕೈಯ್ಯಲ್ಲಿ ಪುಸ್ತಕ ಇದ್ದರೆ ಸಾಲದು. ಬುದ್ಧಿ ಇರಬೇಕು.

ನಾನು : ನಾನು ಓದೋಕೆ ಬರೆಯೋಕೆ ಬರದವಳೇನಲ್ಲ. ನೋಡಿ ನೀವು ಮಿನಿಮಮ್ ನ ಎರಡು ರೂಪಾಯಿ ಏರಿಸಿದ್ದೀರಿ ಎರಡು ಕಿಲೋಮೀಟರ್ ಗೆ . ಅಂದರೆ ಹಳೇ ೧೨ ರೂಪಾಯಿ ಮಿನಿಮಮ್ ನ ಆರನೇ ಒಂದರಷ್ಟು. ಆದ್ದರಿಂದ ಈಗ ಮೀಟರ್ ರೀಡಿಂಗ್ ನ ಆರನೇ ಒಂದಷ್ಟು ಭಾಗವನ್ನು ನಾವು ಕಂಡುಹಿಡಿದು, ಈ ಮೊತ್ತಕ್ಕೆ ಸೇರಿಸಿ ಒಟ್ಟು ದುಡ್ಡು ಕೊಡಬೇಕು ತಾನೆ ? ಮೂವತ್ತರ ಆರನೇ ಒಂದು ಭಾಗ ಐದು ರೂಪಾಯಿ. ಆದ್ದರಿಂದ ನಿಮಗೆ ನಾನು ಮೂವತ್ತೈದು ಕೊಡಬೇಕು ತಾನೆ ?

ಅವನು : ನಾನು ಒಪ್ಪಲ್ಲ. ನಿಮಗೆ ಹೇಗೆ ಗೊತ್ತಾಯ್ತು ಇದು ?

ನಾನು : ಎಲ್ಲರನ್ನೂ ಕುರಿಗಳು ಅಂದುಕೊಂಡಿದ್ದೀರಾ ನೀವು ? ನಮಗೆ ದೇವರ ಕೃಪೆಯಿಂದ ಸ್ವಲ್ಪ ಬುದ್ಧಿ ಇದೆ.ನಿಮ್ಮ conversion table ನ line by line ಬರೆದು ತೋರಿಸಲಾ ? 12.50 ರಿಂದ ಹಿಡಿದು 15 ರೂಪಾಯಿ ವರೆಗೆ ನನ್ನ ಲೆಕ್ಕಾಚಾರದ ಪ್ರಕಾರ ಮೊಬೈಲ್ ನಲ್ಲಿ ಮಾಡಿ ತೋರಿಸಿದೆ. ಅವನಿಗೆ ಬೆವರಿಳಿಯಿತು. ಮೂವತ್ತೈದು ತಗೊಂಡು ಜಾಗ ಖಾಲಿ ಮಾಡಿ. ಏನಾದರೂ ಹೆಚ್ಚಿಗೆ ದುಡ್ಡು ಬೇಕಿದ್ದರೆ ಬಸವನಗುಡಿ ಪೋಲೀಸ್ ಸ್ಟೇಷನ್ ಗೆ ಬನ್ನಿ...ಮಾತಾಡೋಣ.
ಅವನು : " ಪೋಲಿಸ್ ಸ್ಟೇಷನ್ ವಿಷಯ ಎತ್ತಬೇಡಿ . ಸರಿ...ಐದು ರೂಪಾಯಿ ದಿಸ್ಕೌಂಟ್ ಕೊಡ್ತೀನಿ...ಕೊಡಿ ಮೂವತ್ತೈದೇ "
ನಾನು : ದಿಸ್ಕೌಂಟ್ ಪದದ ಅರ್ಥ ಗೊತ್ತಿದಿಯೇನ್ರಿ ನಿಮಗೆ ? ನಾನು ಕೊಡಲೇನು ದಿಸ್ಕೌಂಟ್ ? ಪೂರ್ತಿ 35 ರೂಪಾಯಿ ದಿಸ್ಕೌಂಟ್ . ಬಿಡಿಗಾಸು ಕೊಡಲ್ಲ...ಹೊರಡಿ.
ಅವನು : ಮೇಡಂ...ತಪ್ಪಾಯ್ತು. ಮೊದಲ ಬೋಣಿ ನೀವೇ ಮಾಡಬೇಕು. ಕೊಡಿ ಮೂವತ್ತೈದೆ.
ಮೂವತ್ತೈದು ರೂಪಾಯಿ ಕೊಟ್ಟು ಅಲ್ಲಿಂದ ನಮ್ಮ ಕಾಲೇಜಿಗೆ ಬರುವ ಹೊತ್ತಿಗೆ ಪರೀಕ್ಷೆಗೆ ಎಲ್ಲಾ ಸಿದ್ಧತೆ ನಡೆದಿತ್ತು. ಬಂದದ್ದೇ ನನ್ನ ಸ್ನೇಹಿತೆಯೊಬ್ಬಳು-
" what happened lakshmi ? Anything wrong ? you look upset . " ಅಂದಳು.

ನಾನು : No yaar..nothing. I had a fight with an auto driver and was stuck there for almost 10 minutes. That took my time. "
ಅವಳು : Is he there even now ? You want me to come down and talk to him ?
ನಾನು : No, he is gone. I thought I would be late. But thankfully... I am just in time.

Z : ರಾಮಾ....internals start ಆಗೋಗಿದ್ದಿದ್ರೆ ಗತಿ ಏನು ? ಪೋಲೀಸ್ ಸ್ಟೇಷನ್ ಅಂತೆಲ್ಲ ನೀನು ಒಬ್ಬೊಬ್ಬ್ಳೆ ಹೋಗೋದು ಸರಿ ಇಲ್ಲ head ruled !

ನಾನು : ಸುಮ್ಮನೆ ಇರು.ನಿನ್ನಂಥವರು ಹೀಗೆ ಹೆದರೋದರಿಂದಲೇ ಇಷ್ಟೆಲ್ಲ ಆಗಿ, ಇಂಥವರೆಲ್ಲ ಕೊಬ್ಬಿ ಹೋಗಿರೋದು. ನಾವು ಹೆದರಿದರೆ ನಮ್ಮನ್ನು ಹೆದರಿಸಲು ಲೋಕ ಕಾಯ್ತಾಯಿರತ್ತೆ. ಧೈರ್ಯಂ ಸರ್ವತ್ರ ಸಾಧನಮ್. ನೆನಪಿಟ್ಟುಕೋ. ಅಷ್ಟಕ್ಕು...ಬಸವನಗುಡಿಯಲ್ಲಿ ಮಹಿಳಾ ಪೋಲೀಸ್ ಠಾಣೆ ಇದೆ. ಸರ್ಕಲ್ ಇನ್ಸ್ಪೆಕ್ಟರ್ ಅಪ್ಪನಿಗೆ ಗೊತ್ತಿದ್ದಾರೆ. ನನಗೆ ಭಯ ಇಲ್ಲ. ಗೊತ್ತಲ್ಲ ನಿಂಗೆ ? ಜನ್ಮ ಜಾಲಾಡ್ಬಿಡ್ತೀನಿ ಯಾರಾದ್ರು ತಕರಾರು ಮಾಡಿದ್ರೆ. ಅದಕ್ಕೂ ಬಗ್ಗದಿದ್ದರೆ ಇವರೆಲ್ಲ ಇದ್ದಾರಲ್ಲ !!


Z : ನೀನು ಹೇಳೋದು ಸರಿನೇ. ನಾವು ಹೆದರಿ ಏನೂ ಪ್ರಯೋಜನ ಇಲ್ಲ. We have to learn to defend and protect ourselves. World is not a safe place anymore !!

ನಾನು : Very true ! ನಾವೂ ಸ್ವಲ್ಪ ಹುಶಾರಾಗಿರ್ಬೇಕು. ನಾವು ಏನೆ tension ನಲ್ಲಿ ಇರಲಿ, ಫೋನ್ ನಲ್ಲಿ ಮಾತು ಕಥೆಯಲ್ಲಿರಲಿ, ಓದುತ್ತಿರಲಿ, ಹೋಗುತ್ತಿರುವ ರಸ್ತೆಯ ಬಗ್ಗೆ ಎಚ್ಚರ ವಹಿಸಬೇಕು. ಗಮನ ವಹಿಸದೇ ಅವರು ನಮಗೆ ಮೋಸ ಮಾಡಲು ಪ್ರಚೋದನೆ ನೀಡಬಾರದು .

ಇತಿ ಅಟೋ ಪುರಾಣೇ ಸೌತ್ ಎಂಡ್ ಸರ್ಕಲ್ ಕಾಂಡಃ ಸಂಪೂರ್ಣಃ

ಇನ್ನೊಂದು ಕಾಂಡದ ಕಥೆಯನ್ನು ಅತಿ ಶೀಘ್ರದಲ್ಲಿ ಹೇಳುವೆ.
ಅಲ್ಲಿಯವರೆಗೂ ...Line on hold.

(ಸಶೇಷ)

there is always a next time

ನಾನು : There is always a next time.

Z : ಹೌದಾ ?

ನಾನು : ಹೌದು.

Z : ಪ್ರತೀ ಸಲವೂ ಹೀಗೆ ಆದರೆ ಗತಿಯೇನು ?

ನಾನು : ಅದಕ್ಕೆ ನಿನ್ನ pessimistic ಅಂತ ಬೈಯ್ಯೋದು ನಾನು. ನೀರಿಗೆ ಬಿದ್ದಮೇಲೆ ಈಜು ಕಲಿಯಲೇ ಬೇಕು. ಮೊದಲನೇ ಸಲ ಆಗಲಿಲ್ಲ ಅಂತ ಕೊರಗಿ ಪ್ರಯೋಜನವಿಲ್ಲ. learn to be positive Z ! stop being childish and grow up. ಸಣ್ಣ ಸಣ್ಣ ವಿಷಯಗಳಿಗೆ ಬೇಜಾರು ಮಾಡಿಕೊಂಡು ಅಳುವುದರಲ್ಲಿ ಏನೂ ಪ್ರಯೋಜನವಿಲ್ಲ. Lets take a count. how many times have you cried and how many times have I cried ?

Z : definitely ನಾನೇ ಜಾಸ್ತಿ ಅತ್ತಿರೋದು.

ನಾನು : ಇನ್ನು ಸಾಕು. ನಿಲ್ಲಿಸು ನಿನ್ನ ಅರಣ್ಯರೋದನ. learn to face the world. ಅಷ್ಟಕ್ಕೂ, you are not at fault. Then why worry ? Newton's laws ನಿಜವಾಗಿದ್ದರೆ ನಿನಗೆ ಸುಖವೂ ಇಷ್ಟರಲ್ಲೇ ದೊರಕಲಿದೆ. [According to head ruled prolonged contemplation and analysis]. lets wait. As I said, There is always a next time.

Z: There is always a next time.

(line on hold)

ಬರಲಿದ್ದಾನೆ ಸರ್ವಧಾರಿ

Z : ನಾಳೆ ಚಾಂದ್ರಮಾನ ಯುಗಾದಿ. ಸರ್ವಧಾರಿ ಬರಲಿದ್ದಾನೆ. ನಾನಂತೂ ಬೇವು ಬೆಲ್ಲಕ್ಕೆ ಕಾಯುತ್ತಿದ್ದೇನೆ.

ನಾನು : ಅದು ಅರ್ಧ ಸತ್ಯ. ಪೂರ್ತಿ ಸತ್ಯ ಏನೂ ಅಂತ ನಂಗೊತ್ತು. ರುದ್ರಾಭಿಷೇಕದ ತೀರ್ಥ, ಒಬ್ಬಟ್ಟು, ಪಾಯಸ, ಮಾವಿನ ಕಾಯಿ ಚಿತ್ರಾನ್ನ, ಮೊಸರನ್ನ...ಇವೆಲ್ಲ ಸಿಕ್ಕ್ ಸಿಕ್ಕಾಪಟ್ಟೆ ಮೇಯೋದು ನಿನ್ನ agenda !!!ತಾಯಿ.....ಮಂಗಳವಾರದಿಂದ internals ಇದೆ !! ಓದ್ಬೇಕು !!

Z : ಓದು, ಬರಹ, ಸಾಧನೆ, ಎಲ್ಲಾ ನಿನ್ನ department ಉ. ನಾನು Zindagi. ಭಾವನೆ ಇರೋಳು. ಹಬ್ಬ ಹರಿದಿನ ಎಲ್ಲ ಎಂಜಾಯ್ ಮಾಡೋಳು. ನಿನ್ ಥರ emotionless ಅಲ್ಲ. ಎಲ್ಲದಕ್ಕೂ ಕಾರಣ ಹುಡುಕ್ತಾ ಪ್ರಶ್ನೆ , ತರ್ಕ ಎಲ್ಲ ಮಾಡೋದಿಲ್ಲ !!

ನಾನು : ನಿನ್ emotion ನ ನೀನೆ ಇಟ್ಕೊಂಡು ಉಪ್ಪಿನ್ಕಾಯಿ ಹಾಕೊ. ನನ್ನ practicality ಬಗ್ಗೆ ಚಕಾರ ಎತ್ತ್ಬೇಡ.

Z : ಸರಿ. ನಂಗೂ ಈಗ ಮತ್ತೆ ಜಗಳ ಆಡೋಕೆ mood ಇಲ್ಲ. ಆಗ್ಲೆ ಒಂದು ಸಲ ಇದರ ಬಗ್ಗೆ ನೇ ಸಿಕ್ಕ್ ಸಿಕ್ಕಾಪಟ್ಟೆ ಜಗಳ ಆಡಿ, ನೀನು ಮಾತು ಬಿಟ್ಟು, ಕಡೆಗೆ ನಾನೇ ಸೋಲೊಪ್ಪಿಕೊಳ್ಳುವ ಹಾಗೆ ಮಾಡಿದ್ದೀಯ. ನಿನ್ನನ್ನ ಸೋಲಿಸುವವುದು ಕಷ್ಟ...ನನಗಿಂತ ಹೆಚ್ಚು ಹಠವಾದಿ ನೀನು.

ನಾನು : ಗೊತ್ತಾಯ್ತಲ್ಲ...ಶಾಂತವಾಗಿ silent ಆಗಿ ಹಾಗೆ ಸುಮ್ನೆ ತೆಪ್ಪಗೆ ಇದ್ಬಿಡು. ನಾಳೆ ಗೆ ಏನ್ plan- ಉ ?

Z : ನೀನೆ almost ಎಲ್ಲಾ ತಿಳೀಸಿದಿಯ....ಎರಡು ವಿಷಯ ಮರ್ತೆ. ಪಂಚಾಂಗ ಶ್ರವಣ ಮತ್ತು ರಾಶಿ ಫಲ ಪಠಣ. ಏನ್ ಬರ್ದಿದೆ ನನ್ನ ಭವಿಷ್ಯದಲ್ಲಿ ಅಂತ ತಿಳ್ಕೋಬೇಕು.

ನಾನು : ಲೇ hopeless ! ಕಣ್ಮುಂದೆ ಕಾಣಿಸು ನೀನು ಒಂದ್ ಸರ್ತಿ ! ಕುಟ್ಟುತ್ತೀನಿ ತಲೆ ಮೇಲೆ ! ಭವಿಷ್ಯ ಅಂತೆ ಭವಿಷ್ಯ !ಗ್ರಹಗಳಿಂದ ನಮಗೆ at the most ಆಗೋ effect ಅಂದ್ರೆ gravitational attraction ಒಂದೆ. ಅವ್ರನ್ನೆಲ್ಲಾ ಕರ್ದು ಒಂದೊಂದು ಮನೇಲಿ ಕೂರಿಸಿ ಇವನು ಒಳ್ಳೆಯವನು, ಅವನು ಕೆಟ್ಟವನು, ಇವನಿಂದ ಹೀಗ್ ಆಗತ್ತೆ ,ಹಾಗ್ ಆಗತ್ತೆ ಅಂತೆಲ್ಲ ತರಹೇವಾರಿ ಭವಿಷ್ಯಗಳನ್ನ ಓದಿ mood out ಮಾಡ್ಕೋತೀಯ ...ಅದಕ್ಕೆ ನಿನ್ನ ನಿಷ್ಪ್ರಯೋಜಕಿ ಅನ್ನೋದು !! ನಾಳೆ ನಾನು internals ge ಓದ್ತಿರ್ತಿನಿ. ಮಧ್ಯ ಏನಾದ್ರು ಫೋನ್ ಮಾಡಿ ಭವಿಷ್ಯ ದ್ದು "ಭ" ನು ಎತ್ಬೇಕಲ್ಲ... ಅಷ್ಟೆ !!!!

Z : noooooooooo !!!!!!!!!!! ಇಲ್ಲಾ....ಹಾಗ್ ಮಾಡ್ಬೇಡ...ಪ್ಲೀಈಈಈಈಈಈಈಈಈಸ್ !!!

ನಾನು : good ! ಇದು ದಾರಿಗೆ ಬರೋ ಲಕ್ಷಣ ಅಂದ್ರೆ. ನಾವು ನಮ್ಮ ಪ್ರಯತ್ನ ನ ಶ್ರದ್ಧೆ ಇಂದ ಮಾಡಿದ್ರೆ, sooner or later ನಮಗೆ ಎಲ್ಲಾ ಒಳ್ಳೇದೇ ಆಗತ್ತೆ. Newton's laws are always valid and that's why they are universal. ಗೊತ್ತಾಯ್ತ ? ನಾಳೆ ನನ್ನ ಪ್ರಕಾರ another new day ಅಷ್ಟೆ. lets all pray for a good life. ಜನಕ್ಕೆ ಸದ್ಬುದ್ಧಿ ಬರ್ಲಿ. pollution ಇಂದ warming ಆಗಿ ಯಾವಾಗ್ ಯಾವಗ್ಲೋ ಮಳೆ, ಯಾವಾಗ್ ಯಾವಾಗ್ಲೋ ಚಂಡಮಾರುತಗಳು ಬೀಸುತ್ತಿವೆ. ಇದನ್ನ ಬಗೆಹರಿಸೋ ವಿವೇಕವನ್ನ ಸರ್ವಧಾರಿ ಕರುಣಿಸಲಿ. ಸದ್ಯೋಜಾತನ ದಯೆಯಿಂದ ಅಪಘಾತಗಳು ಆದಷ್ಟು ಕಡಿಮೆ ಆಗಲಿ. ರಾಜಕೀಯ ಮತ್ತು ವ್ಯಾಪಾರಗಳಲ್ಲಿನ ವೈಮನಸ್ಯ ಮತ್ತು unhealthy competition ಕಡಿಮೆ ಆಗಿ, greater good ಗೆ ಪ್ರಪಂಚ aim ಮಾಡಲಿ. ಎಲ್ಲರಿಗೂ ಮನಶ್ಶಾಂತಿ ಲಭಿಸಲಿ. ನೀನು ಹೀಗೆ ಕೇಳಿಕೋ.

Z : ditto !!!

ನಾನು : ಸೋಂಬೇರಿ !! anyways, ಎಲ್ಲರಿಗೂ ಸರ್ವಧಾರಿ ಸಂವತ್ಸರದ ಹಾರ್ದಿಕ ಶುಭಾಶಯಗಳು.

Z : ditto !
ಇವಳು ಮತ್ತೆ ಸೋಂಬೇರಿ ಅಂತ ಬಯ್ಯೋ ಮುಂಚೆ....line on hold !!!