ಮೂರು ವರ್ಷ....and still calling ! :)

ಎಲ್ಲರಿಗೂ ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು. ಈ ಬ್ಲಾಗಿನ ಹುಟ್ಟು ಹಬ್ಬ ಮತ್ತು ಹೊಸ ವರ್ಷ ಯಾವಾಗ್ಲು ಒಟ್ಟಿಗೆ ಬರತ್ತೆ. ಆದರೆ, ಮತ್ತೆ ಅದೇ flash back ಗೆ ಹೋಗಿ, ಅದೇ ಕಥೆಯನ್ನ ಹೇಳಿ ನಿಮ್ಮನ್ನ ಬೋರ್ ಹೊಡೆಸಲ್ಲ. ನೀವೆಲ್ಲ ಬುದ್ಧಿವಂತರು. Call history ತೆಗೆದು ನೋಡಿ ಈ ಬ್ಲಾಗ್ ಹೇಗೆ ಹುಟ್ಟಿತು ಅನ್ನೋದನ್ನ ಓದ್ಕೋತಿರಾ :)

ಹೌದು, ಇವತ್ತಿಗೆ ಮೂರು ವರ್ಷ ಆಗೋಯ್ತು ಈ ಬ್ಲಾಗ್ ಆರಂಭ ಆಗಿ. ಮೂರು ವರ್ಷಗಳಲ್ಲಿ ಬ್ಲಾಗ್ ಲೋಕದಿಂದ ನಾನು ಬಹಳಷ್ಟು ಒಳ್ಳೆ ಗೆಳೆಯರನ್ನು ಪಡೆದಿದ್ದೇನೆ.ನನ್ನ ಈ non stop  ವಟವಟವನ್ನ ನೀವು ಪಾಪ ಬಹಳ ಉತ್ಸಾಹದಿಂದ, ಶ್ರದ್ಧೆಯಿಂದ, ಪ್ರೀತಿಯಿಂದ, ಅಭಿಮಾನದಿಂದ ಕೇಳುತ್ತಾ ಬರುತ್ತಿದ್ದೀರ. ಡೊಂಟ್ ವರಿ ಮಾಡ್ಕೊಳಿ, ಈ ವಟ ವಟ ಈ ವರ್ಷವೂ ಮುಂದುವರಿಯಲಿದೆ,on one condition: ನೀವು ಹೀಗೆ ಈ ಬ್ಲಾಗ್ ಓದೋದರ ಬಗ್ಗೆ ಉತ್ಸಾಹ, ಶ್ರದ್ಧೆ ಮತ್ತು ಪ್ರೀತಿ ನ ಮುಂದುವರಿಸಿದರೆ ಮಾತ್ರ ! :)

ಈ ಬ್ಲಾಗಿನ ಕಟ್ಟಾ ಅಭಿಮಾನಿ ವರ್ಗ ಈ ಬ್ಲಾಗು ನಿಯತವಾಗಿ ಅಪ್ಡೇಟ್ ಆಗ್ತಿಲ್ಲ ಅನ್ನೋದರ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.ಇದರ ಬಗ್ಗೆ ಸ್ವತಃ ಸ್ವಯಂ ಸಾಕ್ಷಾತ್ ನನಗೇ ಬೇಜಾರಿದೆ.I don't want reasons, I want results ಅಂತ ಸದಾ ಕಾಲ ಶಂಖ ಊದುವ ನಾನು, ಇಂದು ಬ್ಲಾಗ್ ಅಪ್ಡೇಟ್ ಆಗದಿರುವುದಕ್ಕೆ ನಿಮಗೆ ಕಾರಣ ಹೇಳಬೇಕೋ ಬೇಡವೋ ತಿಳಿಯದೇ ಪರದಾಡುತ್ತಿದ್ದೇನೆ. ಆದರೂ, ನೀವೆಲ್ಲಾ ನನ್ನನ್ನ ಅರ್ಥ ಮಾಡ್ಕೊತಿರಾ ಅನ್ನೋದರ ಬಗ್ಗೆ ದೃಢವಾದ ನಂಬಿಕೆ ಇದೆ ಆದ್ದರಿಂದ, ಕಾರಣಗಳನ್ನು ನಿಮ್ಮ ಮುಂದೆ ಇಡಬಯಸುತ್ತೇನೆ.

೧. ದಿನ ಬೆಳಗಾದರೆ ಕಾಲೇಜು, ಪಾಠ, ಮತ್ತು ನನ್ನ ಲ್ಯಾಬು, ಎಮ್.ಫಿಲ್ ಪ್ರಾಜೆಕ್ಟು, ಅದಕ್ಕಾಗಿ ಜೆ.ಸಿ.ರಸ್ತೆ ಮತ್ತು ಜಯನಗರ ಮೂರನೇ ಬ್ಲಾಕಿನ ನಡುವಿನ ಅವ್ಯಾಹತ ಓಡಾಟ."ನಾವೂ ಇದೇ ರಸ್ತೆಗಳಲ್ಲಿ ಓಡಾಡೋದು.ಅದರಲ್ಲಿ ಏನು ವಿಶೇಷ" ಅಂತ ನೀವು ಕಮೆಂಟೋ ಮುಂಚೆ ದಯವಿಟ್ಟು ನನ್ನ ಮಾತನ್ನ ಪೂರ್ತಿ ಕೇಳಿ. ನಿಮಗೆ ಆಫೀಸಲ್ಲಿ ಫ್ರೀ ಟೈಂ ಸಿಗಬಹುದು, ಆದರೆ ನನಗೆ ಕಾಲೇಜಲ್ಲಿ ಟೈಂ ಸಿಕ್ತಿಲ್ಲ.ಸಾಲದ್ದಕ್ಕೆ ಶನಿವಾರ ಭಾನುವಾರಗಳು ನಾನು ರಿಸರ್ಚ್ ಲ್ಯಾಬ್ನಲ್ಲಿ ವಾಸ್ತವ್ಯ  ಹೂಡಿರುವ ಕಾರಣ, ವೀಕೆಂಡ್ ಬರುವುದೂ ಗೊತ್ತಾಗುತ್ತಿಲ್ಲ, ಹೋಗುವುದೂ ಗೊತ್ತಾಗುತ್ತಿಲ್ಲ. ಟೈಂ ಇಲ್ಲ ಅನ್ನೋರನ್ನ ನಂಬಬೇಡಿ ಅಂತ ಹಿರಿಯರು ಅಪ್ಪಣೆ ಕೊಡಿಸಿರುವರಾದರೂ, ನನ್ನ ಮಟ್ಟಿಗೆ, ಬ್ಲಾಗಲು ನನಗೆ ಟೈಂ ಇಲ್ಲದಿರುವುದು ನನ್ನ ಜೀವನದ ಸಧ್ಯದ ಮಹಾದುರಂತಗಳಲ್ಲೊಂದು. 

೨. ಹಿಂದೆಲ್ಲಾ ರಾತ್ರಿ ಒಂದಕ್ಕೆ ಮಲಗಿ ಬೆಳಿಗ್ಗೆ ಎಂಟಕ್ಕೆ ಏಳುತ್ತಿದ್ದೆ. ಈಗ ಒಂಭತ್ತುವರೆಗೆ ಪಾಚ್ಕೊತಿದಿನಿ. ಯಾಕಂದ್ರೆ, earth  polarity ಬದಲಾದರೂ, Land to water mass ratio interchange  ಆದರೂ ನಾನು ಬೆಳಿಗ್ಗೆ ಎಂಟು ಹದಿನೈದರೊಳಗೆ ಕಾಲೇಜಲ್ಲಿರಬೇಕು. ಆದ್ದರಿಂದ ಸೂರ್ಯ ಯಾವಾಗ ಹುಟ್ಟುತ್ತಾನೋ, ನಾನು ಆಗಲೇ ಏಳಬೇಕು :(

೩. ನನ್ನ ಎಮ್.ಫಿಲ್ ಒಂದು ವರ್ಷಕ್ಕೆ ಪರಿಸಮಾಪ್ತಿಯಾಗದೇ ಇನ್ನೂ ಮೂರು ತಿಂಗಳು ಮುಂದೂಡಲ್ಪಟ್ಟಿದೆ.ಕಾರಣ ಮೂರು ಬಾರಿ experiments  ಮಾಡಿದರೂ ಸರಿಯಾಗಿ ಬರದೇ ಕೈಕೊಟ್ಟ ನನ್ನ samples.ಮತ್ತು, ಮಹಾ ಭಾರತಕ್ಕೆ ಮತ್ತು ಕಾಳಿದಾಸನ ಮಹಾಕಾವ್ಯಕ್ಕೆ competition  ಕೊಡುವ ರೀತಿಯಲ್ಲಿ ನನ್ನ ಥೀಸಿಸ್ ಇರಬೇಕು ಎಂದು ನನ್ನ ಗುರುಗಳು ಆಜ್ಞೆ ಮಾಡಿದ್ದಾರೆ. ಆ ಮಹಾಕಾವ್ಯದ ರಚನೆಗೆ ಇರೋ ಟೈಂ ಎಲ್ಲಾ ಮೀಸಲಿಡಬೇಕಾಗಿದೆ.ಇಷ್ಟು ತಿಂಗಳುಗಳಿಂದ ತಿನುಕಾಡಿ ಒಂದು ಅಧ್ಯಾಯ ಬರ್ದಿದಿನಿ, ಮಿಕ್ಕಿದ್ದಕ್ಕೆ ಗಣೇಶ ಮತ್ತು ಕಾಳಿದಾಸನ ಅನುಗ್ರಹ ಮತ್ತು ಸಹಾಯಕ್ಕೆ ವೈಟಿಂಗು.

ಹಿಂಗೆಲ್ಲಾ ಆಗೋಗಿರೋದ್ರಿಂದ, ನನಗೆ ಬ್ಲಾಗಲು ಆಗುತ್ತಿಲ್ಲ ಮತ್ತು ಎಲ್ಲರ ಬ್ಲಾಗುಗಳಿಗೆ ನನ್ನ ಭೇಟಿ ಆಲ್ಮೋಸ್ಟ್ ನಿಂತುಹೋಗಿದೆ. ಬಜ್ ನಲ್ಲಿ ಕಂಡದ್ದನ್ನಷ್ಟೇ ಓದುವ ಹಾಗಾಗಿದೆ. ಹಾಗಾಗಿ, ಬ್ಲಾಗಿಗೆ ಬಂದು ಕಮೆಂಟಿಸಲು ಸಾಧ್ಯವಾಗಿಲ್ಲ.ಇದಕ್ಕೆ ಸಹಬ್ಲಾಗಿಗರಲ್ಲಿ ಕ್ಷಮೆಯಾಚಿಸುತ್ತಿದ್ದೇನೆ.

ಆದರೂ ಈ ವರ್ಷದ ಹೈಲೈಟ್ಸ್ ಕೊಟ್ಟುಬಿಡುತ್ತೇನೆ. ಡೀಟೈಲಾಗಿ ಖಂಡಿತಾ ಏಪ್ರಿಲ್ ತಿಂಗಳಿನಿಂದ ಬ್ಲಾಗುತ್ತೇನೆ. ಫೂಲ್ ಮಾಡ್ತಿಲ್ಲ, ಪ್ರಾಮಿಸ್ ಮಾಡ್ತಿದಿನಿ. :)

೧. ಉತ್ತರಾಯಣ. ಸಕ್ಕತ್ತಾಗಿತ್ತು ಟೂರು. ಇದರ ಪ್ರತಿಯೊಂದು ಡೀಟೈಲ್ ಖಂಡಿತಾ ಬ್ಲಾಗುತ್ತೇನೆ.

೨. ಕೆಲವು ವಿಜ್ಞಾನದ ವರ್ಕ್ ಶಾಪುಗಳಿಗೆ ಹೋಗಿದ್ದೆ. ಒಳ್ಳೇ ಅನುಭವ.

೩.ಡಿಸೆಂಬರ್ ನಲ್ಲಿ ಮತ್ತೆ ಜಲೇಬಿನಾಡಿಗೆ ಮೂರುದಿನಗಳ ಪ್ರವಾಸ. ಅದರದ್ದೂ ಬ್ಲಾಗ್ ಬರಲಿದೆ, ಕಾಯಬೇಕಾಗಿ ಪ್ರಾರ್ಥನೆ.

೪. ಶನಿವಾರ ಭಾನುವಾರಗಳನ್ನೂ ಬಿಡದೆ, ರಜಾದಿನಗಳಲ್ಲಿಯೂ ಬೆಳಗಿಂದ ಸಾಯಂಕಾಲ ನಾನು ಲ್ಯಾಬ್ ವಾಸ್ತವ್ಯ ಹೂಡಿರುವುದರಿಂದ ರಿಸರ್ಚ್ ಲ್ಯಾಬಿನಿಂದ ನನ್ನನ್ನು ಓಡಿಸಲು ಉತ್ಸುಕನಾಗಿದ್ದಾನೆ ನಮ್ಮ ಲ್ಯಾಬಿನ ವಾಚ್ಮಾನ್ !

೫.ಅಡುಗೆ ಮನೆಗೆ ಹೋಗದೆ, ಅಡುಗೆ ಮಾಡದೇ, ಅಮ್ಮನ ಹತ್ತಿರ 2010 ರಲ್ಲಿ ಸರಿಸುಮಾರು ಒಂದು ಲಕ್ಷ ಸರ್ತಿ ಬೈಸಿಕೊಂಡಿದ್ದೇನೆ. ಮನೆಯ ಕೆಲಸಗಳ ಕಡೆಗೆ ಗಮನ ಕೊಡದಿರುವ,ಮತ್ತು ಸದಾ ಕಾಲ ಮಹಾಕಾವ್ಯ ರಚನೆಯಲ್ಲಿ ತಲ್ಲೀನಳಾಗಿ ಮಿಕ್ಕೆಲ್ಲದ್ದಕ್ಕೆ ವಿದಾಯ ಹೇಳಿರುವ ಕಾರಣ ಅಮ್ಮ ನನ್ನನ್ನು ಮನೆಯಿಂದ ಓಡಿಸಲು ಹವಣಿಸುತ್ತಿದ್ದಾರೆ. ;)

೬.ಸುಶ್ರುತನ ಕೈಲಿ ಮಾಡಿಸಿದ ಕ್ಯಾರಟ್ ಸಾರಿನ experiment work  ಆಗಿದೆ.

೫.Anchor stich kit. ಏನ್ ಚೆನ್ನಾಗಿದೆ ಗೊತ್ತಾ ಅದು ! ಒಂದು ಕಿಟ್ಟಲ್ಲಿ ಎರಡು ಟ್ವೀಟಿ ಮರಿಗಳಿರುವ ಚಿತ್ರವನ್ನು cross stich ನಲ್ಲಿ ಹಾಕಿ, ಅದನ್ನ ಫ್ರೇಮ್ ಮಾಡಿಸಿದೆ. ಅದೇ ಜೋಷಿನಲ್ಲಿ, ಈಗ ಜಿಂಕೆ ಮರಿಯನ್ನು stich ಮಾಡುತ್ತಿದ್ದೇನೆ. ಮಜಾ ಬರ್ತಿದೆ :)

೬.ಪಾನಿ ಪುರಿ ಮತ್ತು ಐಸ್ ಕ್ರೀಮ್ ನ  ಸ್ನೇಹಿತರೊಟ್ಟಿಗೆ ಹಿಂದಿನಂತೆ ನಿಧಾನಕ್ಕೆ ಚಪ್ಪರಿಸಿಕೊಂಡು ತಿನ್ನಕ್ಕೆ ಆಗಿಲ್ಲ :(  ಜಯನಗರದಂತಹಾ ಜಯನಗಕ್ಕೆ ಪ್ರತಿದಿನ ಹೋದರೂ ಪಾನಿಪುರಿ ತಿನ್ನಲಾಗದ ನನ್ನ ದೌರ್ಭಾಗ್ಯವನ್ನು ವರ್ಣಿಸಲು ಪದಗಳಿಲ್ಲ.ಮೈಯಾಸ್ ಗೆ ಮಾತ್ರ ವಿಸಿಟ್ಟು ಕೊಡುತ್ತಿದ್ದೇನೆ ಅಷ್ಟೇ.

೭.ಹೊಸ ಫೋನ್. ನಮ್ಮಪ್ಪ ಗಿಫ್ಟ್ ಮಾಡಿದ್ರು ನನ್ನ ಹುಟ್ಟುಹಬ್ಬಕ್ಕೆ. Nokia X6. ಫೋನ್ ಸಕತ್ತಾಗಿದೆ.ಆದರೆ ಅದಕ್ಕೆ ಒಗ್ಗಲು ನನಗಿನ್ನೂ ಸಮಯ ಬೇಕಾಗಿದೆ. ಸಿಕ್ಕಾಪಟ್ಟೆ ಯೋಚನೆ ಮಾಡಿ, ಫೋನಿಗೆ ಪ್ರಿಯಂವದಾ ಅಂತ ನಾಮಕರಣ ಮಾಡಿದೆ. ಹಿರಣ್ಮಯಿಯನ್ನು ನನ್ನ ತಂಗಿಗೆ ಹಸ್ತಾಂತರಿಸಿದೆ.

ಇಷ್ಟು ೨೦೧೦ ಮುಖ್ಯಾಂಶಗಳು. ಈ ವರ್ಷ ಎಮ್.ಫಿಲ್ ಮುಗಿಯತ್ತೆ. ವಟವಟಕ್ಕೆ, ಗುಸುಗುಸುವಿಗೆ ನನ್ನ ಸಮಯ ಮಿಸಲಿರತ್ತೆ.2011  ಬಗ್ಗೆ ಸಿಕ್ಕಾಪಟ್ಟೆ ಆಸೆ, ಭರವಸೆ ಇಟ್ಟುಕೊಂಡಿದ್ದೇನೆ. ನೀವು ಇಟ್ಕೊಂಡಿರ್ತಿರ. ಇಟ್ಕೊಂಡಿಲ್ಲಾಂದ್ರೆ ಇಟ್ಕೊಳ್ಳಕ್ಕೆ ಶುರು ಮಾಡಿ. ನಮ್ಮ ನಿಮ್ಮೆಲ್ಲರ ಜೀವನದ ಎಲ್ಲ ಆಸೆಗಳು ಈಡೇರಲಿ, ಭರವಸೆ ಬತ್ತದಿರಲಿ ಅಂತ ಆಶಿಸುತ್ತೇನೆ .Wish you all a very happy 2011!

ಸಂವತ್ಸರದ ಹೆಸರೇ ವಿರೋಧಿ ಆಗಿರೋದ್ರಿಂದ...

Z :ಯಾರೋ ಹೇಳಿದ್ರು ಎರಡು ತಿಂಗಳು ಮುಖಾ ತೋರಿಸಲ್ಲಾ ಅಂತೆಲ್ಲಾ...

ನಾನು :ಯಾರು ಹೇಳಿದ್ರು ?

Z :ಯಾರೋ ತಲೆ ಇರೋರು.

ನಾನು :ಪ್ಲೀಸ್...ಆಡ್ಕೋಬೇಡಾ..

Z :ಇನ್ನೇನ್ ಮತ್ತೆ ? ಎಲೆಕ್ಷನ್ ಟೈಮು ಅಂತ ಎಷ್ಟ್ ಚೆನ್ನಾಗಿ ತೋರ್ಸ್ದೆ ನೋಡು...ಹೇಳೋದ್ ಒಂದು, ಮಾಡೋದ್ ಒಂದು.

ನಾನು :ಹಂಗಲ್ಲಾ...ನಾನು ಬರಿಬಾರ್ದು ಅಂತ ನೇ ಇದ್ದೆ.

Z :ಮತ್ತೆ ? ಹೆಂಗೆ ತೋಚ್ತು ಬ್ಲಾಗ್ ಕುಟ್ಟಕ್ಕೆ ?

ನಾನು :ಹೊಸ ಸಂವತ್ಸರದ ಹೆಸರು ವಿರೋಧಿ ಅಂತ.

Z :I see. ಅದಕ್ಕೆ ?

ನಾನು :ಹೊಸ ವರ್ಷನ ಏನನ್ನಾದ್ರೂ ವಿರೋಧಿಸುತ್ತಲೇ ಆರಂಭಿಸಿದರೆ ಅದೊಂಥರಾ different ಆಗಿರತ್ತೆ ಅಂತ ಅನ್ನಿಸಿತು. ಆದ್ದರಿಂದ ನನ್ನ ಮಾತನ್ನೇ ನಾನು ಯಾಕೆ ವಿರೋಧಿಸಬಾರದು ಅನ್ನೋ ಐಡಿಯಾ ತಲೆಯಲ್ಲಿ ಬಲ್ಬಿನ ಥರಾ ಫ್ಲಾಷ್ ಆಯ್ತು ಆದ್ದರಿಂದ, ಅದನ್ನು ಪಾಲಿಸತೊಡಗಿದ್ದೇನೆ. ಇದೇ ನನ್ನ ಹೊಸ ವರ್ಷದ ಸಂಕಲ್ಪ.

Z :ಈ ಐಡಿಯಾ ನ ನಾನು ವಿರೋಧಿಸುತ್ತೇನೆ.

ನಾನು :ಶಭಾಷ್ ! ಇದು ...ಇದು ವಿರೋಧ ಅಂದ್ರೆ.

Z :ರಾಮಾ ! ಏನ್ ಹೇಳೋದು ಈ ಹುಡುಗಿ ಗೆ ?

ನಾನು :ಏನೂ ಹೇಳ್ಬೇಡ. ನೀನು ಏನನ್ನು ಹೇಳಿದರೂ ನಾನು ವಿರೋಧಿಸುತ್ತೇನೆ.

Z : ಸಿಕ್ಕ್ ಸಿಕ್ಕಿದ್ದನ್ನೆಲ್ಲಾ ವಿರೋಧಿಸಬೇಡ್ವೇ !!!!

ನಾನು :ಇಲ್ಲಾ....ವಿರೋಧಿಸಬಲ್ ವಿಷಯಗಳನ್ನ ವಿರೋಧಿಸಬೇಕು ಅಂತ decide ಮಾಡಿದ್ದೇನೆ.

Z : ಯಾವ್ಯಾವ್ದು ವಿರೋಧಿಸಬಲ್ ವಿಷಯಗಳು ?

ನಾನು : ಎರ್ರಾ ಬಿರ್ರಿ price rise, ಆಟೋನವರ ಆಟಾಟೋಪ...ಇತ್ಯಾದಿ ಇತ್ಯಾದಿ.

Z : ಹ್ಮ್ಮ್....

ನಾನು : ನೀನು ಎಲ್ಲಾದಕ್ಕೂ ಹ್ಮ್ಮ್...ಅಂದ್ರೆ ನಾನು ಅದನ್ನೂ ವಿರೋಧಿಸುತ್ತೀನಿ !

Z :ಎಲ್ಲಾದಕ್ಕೂ ಇಲ್ಲ ಅಂದ್ರೆ ಸುಮ್ಮನೆ ಇರ್ತ್ಯಾ ?

ನಾನು :Definitely not. ಅದನ್ನೂ ವಿರೋಧಿಸುತ್ತೇನೆ.

Z :ಮತ್ತೆ ಏನ್ ಮಾಡ್ಬೇಕ್ ನಾನು ? ಅದನ್ನ ಹೇಳೋದಕ್ಕೂ ವಿರೋಧ ಇದೆ ಅನ್ನಬೇಡ...

ನಾನು :ಇಲ್ಲ ಅನ್ನಲ್ಲ. ನಾನು ತುಂಬಾ ಯೋಚ್ನೆ ಮಾಡಿ ಒಂದು ನಿರ್ಧಾರಕ್ಕೆ ಬಂದಿದಿನಿ.

Z : ಬಾ ಬಾ...ಬಲಗಾಲಿಟ್ಟು ಬಾ...

ನಾನು :ಬಂದೆ. ನಿರ್ಧಾರ ಏನಪ್ಪಾ ಅಂದ್ರೆ, ಹದಿನೈದು ದಿನಕ್ಕೊಮ್ಮೆ ಈ ಬ್ಲಾಗನ್ನು ಅಪ್ಡೇಟ್ ಮಾಡ್ಬೇಕು ಅಂತ.

Z :ಇದನ್ನ ನಾನು ವಿರೋಧಿಸುತ್ತೇನೆ. ವಾರಕ್ಕೆ ಒಂದು ಅಪ್ಡೇಟ್ ಬೇಕು.

ನಾನು :ನೋಡೋಣ.

Z :ನೀನು ಎಲ್ಲಾದಕ್ಕೂ ನೋಡೋಣ ಅನ್ನೋದನ್ನ ನಾನು ವಿರೋಧಿಸಲಾ ?

ನಾನು : ಏನನ್ನ ಬೇಕಾದರೂ ವಿರೋಧಿಸಿಕೊಂಡು ಮಜಾ ಮಾಡು.
Happy ವಿರೋಧಿ...I mean ...Happy ಯುಗಾದಿ !

ದೀಪದ ಹಬ್ಬದ ಶುಭಾಶಯ

ಅಡೋಬ್ ಫೋಟೋಶಾಪ್ ನಲ್ಲಿ (for the first time ) ನಾನೆ ಮಾಡಿದ ಶುಭಾಶಯ ಪತ್ರ. ಇಲ್ಲಿವರ್ಗೂ ಅದನ್ನ ಓಪನ್ನು ಮಾಡಿರಲಿಲ್ಲ. ಕನ್ನಡ ಶುಭಾಶಯಪತ್ರಗಳನ್ನು ಹುಡುಕಿದೆ...ಅದನ್ನ ಹುಡುಕುವುದರ ಬದಲು ನಾನೇ ಮಾಡಿದರೆ ಆ ಖುಶಿ ಬೇರೆ ಅನ್ನಿಸಿತು. ಅದಕ್ಕೆ ಐದು ಘಂಟೆಗಳ ಕಾಲ ಕಷ್ಟ ಪಟ್ಟು, ಫೋಟೋಶಾಪ್ ಉಪಯೋಗಿಸುವುದನ್ನು ತಕ್ಕ ಮಟ್ಟಿಗೆ ಕಲಿತು ಇದನ್ನ ಮಾಡಿದ್ದೇನೆ. ನಿಮಗೆಲ್ಲರಿಗೂ ಈ ದೀಪದ ಹಬ್ಬ ಸುಖ ಸಂತೋಷ, ನೆಮ್ಮದಿ, ಆಯಸ್ಸು, ಆರೋಗ್ಯ ಹಾಗೂ ನೆಮ್ಮದಿಯನ್ನು ಕೊಟ್ಟು ಬಾಳಿನಲ್ಲಿ ಬೆಳಕು ಮೂಡಿಸಲಿ ಎಂದು ಹಾರೈಸುತ್ತೇನೆ.

Friends

ನಾನು : Z ಇವತ್ತು friendship day .

Z : Happy friendship day !

ನಾನು : ನನ್ನ ಸ್ನೇಹಿತರಿಗೆಲ್ಲರಿಗೂ "Happy Friendship day " !
ಇವತ್ತು ಟಿವಿಯಲ್ಲೆಲ್ಲ, ರೇಡಿಯೋದಲ್ಲೆಲ್ಲ ಏನ್ ಎಲ್ಲರೂ wish ಮಾಡಿದ್ದೇ ಮಾಡಿದ್ದು. ಭಾಷಣಗಳನ್ನ ಬಿಗಿದ್ದಿದ್ದೇ ಬಿಗಿದಿದ್ದು, ಸ್ನೇಹ ಎಷ್ಟು ಸುಂದರ, ಸ್ನೇಹ ಎಷ್ಟು ಆನಂದದಾಯಕ ಅಂತೆಲ್ಲ.

Z : ನಿಜ ಅಲ್ವ ಅದು ? friendship is a strong bondage, it is the nicest feeling one can ever have. Friends support us, encourage us, help us and what not ? ಸ್ನೇಹಿತರಿರದ ಬದುಕು ಬದುಕೇ ಅಲ್ಲ head ruled....

ನಾನು : ಹ ಹ ಹ !

Z : Please sarcastic ಆಗಿ ನಗಬೇಡ.

ನಾನು : ನೀನ್ ಯೆಷ್ಟ್ innocent Z ! ಪಾಪ ಅನ್ನಿಸತ್ತೆ ನಿನ್ನ ಮಾತು ಕೇಳಿದ್ರೆ. ಪ್ರಪಂಚದ ಘೋರ ಸ್ವರೂಪ ನಿನಗೆ ಗೊತ್ತೇ ಇಲ್ಲ. I honestly pity you.

Z : why do you say so?

ನಾನು : I stand testimony for all the adversities friendships can put one into, Z ! ನಿನ್ನ ಮಾತನ್ನ ಪೂರ್ತಿ ಅಲ್ಲಗಳೀತಿಲ್ಲ ಅಥವಾ ಹೀಯಾಳಿಸುತ್ತಿಲ್ಲ ನಾನು, ಸ್ನೇಹದ ಇನ್ನೊಂದು ಮುಖದ ಬಗ್ಗೆ ನಿನಗೆ ಹೇಳಲೋ ಬೇಡ್ವೋ ಅನ್ನೋದರ ಬಗ್ಗೆ ನಾನು ಯೋಚನೆ ಮಾಡುತ್ತಿದ್ದೇನೆ ಅಷ್ಟೆ.

Z : Go ahead and tell me.

ನಾನು : ನಂಬಿ ಕಡೆಗೆ ಸಹಿಸಲಾರದ ಕೊಡಲಿಪೆಟ್ಟು ತಿಂದಿದ್ದೇನೆ ನಾನು ಸ್ನೇಹದಲ್ಲಿ. ಜೀವಕ್ಕೆ ಜೀವ ಕೊಡುವೆವೆಂದು ಹೇಳಿಕೊಳ್ಳುತ್ತಾ ನಂಬಿಸಿ ಕಡೆಗೆ ಜೀವನವೇ ಸಾಕಪ್ಪಾ ಎನ್ನುವಷ್ಟು ಜಿಗುಪ್ಸೆ ತರಿಸಿದ್ದಾರೆ ಕೆಲವರು. ಬೇಕಾದಾಗ ಬೆಣ್ಣೆಯಂತೆ ಮಾತಾಡಿ, ಬೇಡದಿರುವಾಗ ಬೀದಿಯಲ್ಲಿ ಒಬ್ಬರೇ ಬಿಟ್ಟೂಹೋಗಿರುವವರೂ ಇದ್ದಾರೆ ನನ್ನ "ಸ್ನೇಹಿತ/ತೆ" ರ ಪೈಕಿ. ಫೋನ್ ನಲ್ಲೇ ಘಂಟೆಗಟ್ಟಲೇ ಮಾತಾಡುತ್ತಿದ್ದ ಕೆಲವರು ಈಗ ಫೋನ್ ಮಾಡಿದ್ರೆ " I am busy " ಎಂದು " ಅರೆಘಳಿಗೆಯಲ್ಲೇ ಫೋನಿಟ್ಟವರಿದ್ದಾರೆ. ಮುಂದೆ ಒಳ್ಳೆಯ ಮಾತಾಡಿ, ಹಿಂದೆ ಅಷ್ಟೆ ವಿಷ ಕಾರಿ, ಅಪಪ್ರಚಾರ ಮಾಡಿ, ಆಡಿಕೊಂಡವರ ಸಂಖ್ಯೆ ಬಹಳ. ಎಲ್ಲಾ ಕೆಲಸಗಳನ್ನು ಕದ್ದು ಮುಚ್ಚಿ ಮಾಡಿ, ಕಡೆಗೆ ಅದು ನನಗೆ ಗೊತ್ತಾದಾಗ..." sorry, I just forgot to tell you...I didnt mean to hide things...but it just slipped out of my mind" ಎಂದು ಜಾರಿಕೊಳ್ಳೂವವರೂ ಇದ್ದಾರೆ. ಎಲ್ಲಿ ನಾವು ಅವರ ಸಮಕ್ಕೆ ನಿಲ್ಲುವೆವೋ? ಎಲ್ಲಿ ನಾವವರಿಗೆ ಸ್ಪರ್ಧೆ ಒಡ್ಡುವೆವೋ ಅನ್ನುವ ಭಯ. ಅವರಿಗಿಂತ ಹೆಚ್ಚು ನಾವು ಪ್ರಸಿದ್ಧರಾದರೆ ? ಅವರಿಗೆ ಬೇಕಾದದ್ದು ನಮಗೆ ಸಿಕ್ಕರೆ ? ಈ ಲೋಕದಲ್ಲಿ ಸ್ವಾರ್ಥ ಹೆಚ್ಚು Z !

Z : Oh my god !

ನಾನು : such is the world, Z ! you have no other choice but to wonder at the magic it conjures up every moment, and grieve and endure the pains it gives you.

Z : ತಪ್ಪು ನಿನ್ನದೂ ಇರತ್ತೆ. ಎರಡು ಕೈ ಸೇರಿದರೇನೆ ಚಪ್ಪಾಳೆ.

ನಾನು : ಆಯ್ತಮ್ಮ..ಒಪ್ಪೋಣ. ಆದರೆ ಯಾರು ಎಲ್ಲಿ ತಪ್ಪು ಮಾಡಿದ್ದಾರೆ ಎಂದು ಕೂತು ಮಾತಾಡುವ ಬದಲು, ಏನೂ ಮಾತಾಡದೇ, ಕಣ್ಣಿನಲ್ಲಿ ಕಣ್ಣಿಟ್ಟು ನೋಡದೇ ಕಣ್ಣು ತಪ್ಪಿಸಿಕೊಂಡರೆ ನಿನಗೇನನ್ನಿಸತ್ತೆ ? ನಾನು ಕೂತು ವಿಷಯಗಳನ್ನು ಬಗೆಹರಿಸಿಕೊಳ್ಳಲು ತಯಾರಿದ್ದರೂ ಅವರೇ ಮಾತಾಡದಿದ್ದರೇ ಕಳ್ಳನ ಮನಸ್ಸು ಹುಳ್ಳಹುಳ್ಳಗೆ ಎಂದು ಅಂದುಕೊಳ್ಳದೇ ನನಗೆ ಬೇರೆ ದಾರಿಯಿಲ್ಲ. ನಾನೇ ಫೋನ್ ಮಾಡಿ ಮಾತಾಡುವ ಎಂದು ಹೇಳಿದ್ದು ತಪ್ಪಾ ? ಮೂರಿಂದ ಆರು ತಿಂಗಳಿಗೊಂದು ಸಲ ಫೋನ್ ಮಾಡಿ ಯಾವಾಗಲೂ ನಾನೇ ಕ್ಷೇಮಸಮಾಚಾರ ವಿಚಾರಿಸಿಕೊಂಡದ್ದು ತಪ್ಪ ? ಗೊತ್ತಿರುವವರೆಲ್ಲರೂ " ಹೇಗಿದ್ದೀರಿ ನೀವು best friends ಈಗ ?" ಎಂದು ಕೇಳಿದಾಗಲೆಲ್ಲ, ನಮ್ಮ rift ಅನ್ನು ಮುಚ್ಚಿಟ್ಟು ಗೊತ್ತಿದ್ದಷ್ಟೇ ಅವರಿಗೆ ಹೇಳಿ ಅವರ ಕುತೂಹಲ ಶಾಂತಗೊಳಿಸಲು ಪ್ರಯತ್ನ ಪಟ್ಟಿದ್ದು ತಪ್ಪಾ ? ಅವರಿಗೆ ಗೊತ್ತಿರುವವರು ನನ್ನನ್ನು ಮಾತಾಡಿಸಿದರೆ ಅದು ನನ್ನ ತಪ್ಪಾ ಅಥವಾ ಮಾತಾಡಿಸಿದವರ ತಪ್ಪಾ ?

Z : er.....

ನಾನು : ಏನೂ ಮಾತಾಡೊ ಸ್ಥಿತಿಯಲ್ಲಿಲ್ಲ ನೀನು ಅಲ್ಲ ? ಗೊತ್ತು ನಂಗೆ. I have suffered and endured enough Z. ಈ ವರ್ಷದ friendship day ದಿನ ನಾನೊಂದು ಮಹತ್ವಪೂರ್ಣ ನಿರ್ಧಾರ ಮಾಡಿದ್ದೇನೆ, ಬಹಳ ಯೋಚನೆ ಮಾಡಿದ ನಂತರ.

Z : ಏನದು ?

ನಾನು : ಸ್ನೇಹದ ಅರ್ಥ ಮತ್ತು ಬೆಲೆ ಗೊತ್ತಿಲ್ಲದೇ ಅವಕಾಶವಾದಿಗಳಂತೆ ವರ್ತಿಸಿದವರನ್ನು, ಒಳ್ಳೆಯದನ್ನೆಲ್ಲ ನನ್ನಿಂದ ಬಾಚಿಕೊಂಡು, ನನ್ನಿಂದ ಎಲ್ಲಾ ಕಲಿತು ನನಗೇ ಬತ್ತಿಯಿಟ್ಟು ಏನೂ ಅರಿಯದಂತಿರುವ ನರಿಯಂತವರನ್ನು, ಬೆನ್ನಿಗೆ ಚೂರಿ ಹಾಕುವ ಮಿತ್ರರ ಸೋಗಿನಲ್ಲಿರುವ ಮಿತ್ರದ್ರೋಹಿಗಳನ್ನು ನನ್ನ ಜೀವನ, ಫೋನ್ ಮತ್ತು friend list ಇಂದ ಶಾಶ್ವತವಾಗಿ ಉಚ್ಛಾಟಿಸುತ್ತಿದ್ದೇನೆ. ನನಗವರ ಸ್ನೇಹವೂ ಸಾಕು, ಅನುಭವಿಸಿದ ಯಾತನೆಯೂ ಸಾಕು. ಇನ್ನವರು ತಿಪ್ಪರ್ಲಾಗ ಹಾಕಿದರೂ, ಮುಗಿಬಿದ್ದರೂ, ಬಿಕ್ಕಿ ಬಿಕ್ಕಿ ಅತ್ತರೂ, ಬೇಡಿಕೊಂಡರೂ ನಾನು entertain ಮಾಡೋಲ್ಲ. The end !

Z : Oh my god ! how can you live without friends ?

ನಾನು : ಅಯ್ಯೊ ಮಹತಾಯಿ, ಹಾಗಂತ ನನಗೆ ಸ್ನೇಹಿತರೇ ಇಲ್ಲ, ಇರುವವರೆಲ್ಲರೂ ಹೀಗೆ ಎಂದು ಅರ್ಥ ಅಲ್ಲ. ಸ್ಮಿತೆಯಂಥಾ, ಭವ್ಯಳಂತಾ , ಚೈತ್ರಳಂತಾ, ಅಕ್ಷಜಾಳಂಥಾ, ನಮ್ಮ ನಾಡಿನ ಸದಸ್ಯರಂಥಾ, ಪ್ರಣತಿಯ team members ಅಂಥಾ, ರಾಧೆಯಂಥಾ , ಆಶಾಳಂಥಾ, ರೋಹಿಣಿಯಂಥಾ, ಶೃತಿಯಂಥಾ, ಹಾಗೆಯೇ ಮತ್ತಷ್ಟು ನಿಜವಾದ ಒಳ್ಳೆ ಸ್ನೇಹಿತರು ನನ್ನ ಪಾಲಿಗಿದ್ದಾರೆ. ಅವರೆಲ್ಲರೂ ನನಗಾದ ನೋವನ್ನ ಮರೆಯುವಂತೆ ಮಾಡಿದ್ದಾರೆ. All thanks to them !

Z : :) Good to know, but still, wont people think you are headstrong when they see you act tough ?

ನಾನು : They weren't nice to me when I was nice to them, Z ! There is a saying " you cannot have a choice of relatives, but you can have a choice of friends ".

And I have done mine.

If people think I am headstrong, rude, tough, stupid and what not... I care a damn ! My true friends have accepted me as I am and I have accepted them as they are. ಅಷ್ಟೆ.

Z : ಸರಿ.

Happy father's day.

ನಾನು : Z... ಇವತ್ತು father's day.

Z : ಹೌದು.

Z + head ruled : Happy father's day ! ಅಣ್ಣಾ ! [ನಾವು ನಮ್ಮ ತಂದೆ ನ ಅಣ್ಣ ಅಂತ ನೇ ಕರಿಯೋದು]

ನಾನು : ಇವರೇ ನಮ್ಮ ತಂದೆ....ಅದು ನಾವು ! 1-11-1987 ರಂದು ತೆಗೆದಿದ್ದಂತೆ ಈ ಫೋಟೊ....ಅಮ್ಮ ಹೇಳಿದ್ರು....ಆವತ್ತು ಲಾಲ್ಬಾಗ್ ನಲ್ಲಿ ice cream ಕೊಡ್ಸೋ ತಂಕ ನಾನು ಹೀಗೆ ಮುಖ ಗಂಟಿಟ್ಟುಕೊಂಡಿದ್ದೆನಂತೆ..ಆಗ ನಮಗಿನ್ನೂ ಎರಡು 2 ವರ್ಷ !

Z : he is the best father one can ever get ! we are the luckiest !!!

ನಾನು : of course ! We cant thank him enough for what all he has done to us in bringing us up.

Z : yes ! ಅದರಲ್ಲಿ ಎರಡು ಮಾತಿಲ್ಲ. ತಂದೆಯ ಕರ್ತವ್ಯ ಚಾ ಚೂ ತಪ್ಪದೇ ನಿರ್ವಸಿದ್ದಾರೆ. ನಮ್ಮ ಬೇಡಿಕೆ, ಇಚ್ಛೆಗಳನ್ನ ಜಾಸ್ತಿ ಬೈಯ್ಯದೇ ನೆರವೇರಿಸಿದ್ದಾರೆ. ತಮಗೆ ಏನೆ ಕಷ್ಟ ಬಂದರೂ ಅದನ್ನ ನಮಗೆ ತೋರಗೊಡದೇ ಹಾಗೆಯೇ ಇದ್ದಾರೆ.

ನಾನು : 1994 ನಲ್ಲಿ ನಡೆದ ಅಪಘಾತವೊಂದರಲ್ಲಿ ನಮ್ಮ ತಂದೆಗೆ ಬಲಗಣ್ಣು ಪೆಟ್ಟಾಗಿ ಕಣ್ಣನ್ನೇ ಕಳೆದುಕೊಂಡಾಗ ನನಗೆ ಒಂಭತ್ತು ವರ್ಷ. ನಾನು ನಮ್ಮ ತಂದೆಯನ್ನೇ ಕಳೆದುಕೊಂಡೆನೇನೋ ಎಂಬ ಭಯ ಕಾಡಿದಾಗ...ಅವ್ರೇ ಹೇಳಿದ್ದು ...."where there is a will, there is a way" ನಮ್ಮ ತಂದೆಯ will power ಎಷ್ಟು strong ಅಂತ ಗೊತ್ತಲ್ವಾ Z ? ಹದಿನೈದೇ ದಿನದಲ್ಲಿ ಮೇಲೆದ್ದು ಮುಳುಗುತ್ತಿದ್ದ ನಮ್ಮ ಸಂಸಾರ ಮತ್ತು ಕಂಪನಿಯನ್ನ ಮೇಲಕ್ಕೆತ್ತಲು ಹಗಲೂ ರಾತ್ರಿ ದುಡಿಯುತ್ತಾ ಇದ್ದಾರೆ. .....ಯಾರೊಬ್ಬರ ಬಳಿಯೂ ಕೈಚಾಚದೇ ! ಈಗಲೂ ಎಲ್ಲರ ತಲೆಯ ಮೇಲೆ ಹೊಡೆಯುವ ಹಾಗೆ ಕಾರನ್ನು ಮಳೆ, ಮಂಜು ಮಸುಕು ತುಂಬಿದ ಶಿರಾಡಿ ಘಾಟನ್ನ, ಆಗುಂಬೆ ಘಾಟನ್ನ, ರಾತ್ರಿ ಹಗಲೆನ್ನದೇ , ಒಬ್ಬರೇ ಹತ್ತಿ ಇಳಿಯುವ ಸಾಮರ್ಥ್ಯವನ್ನು ಹೊಂದಿದ್ದಾರೆ...ನಮ್ಮ ತಂದೆ...our father strongest ! ಅವರಷ್ಟು will power, guts and strength ನನಗಿಲ್ಲವಲ್ಲ ಎಂದು ಎಷ್ಟೋ ಬಾರಿ ನನಗನ್ನಿಸಿದೆ...I have to imbibe from him his qualities of patience, tolerance, time management, discipline, dedication...everything !

Z : Doubt -ಎ ಇಲ್ಲ....ಇದೆಲ್ಲ ನಮಗೆ ಬೇಕೆ ಬೇಕು. ನಮ್ಮನ್ನು ಸಂಸ್ಕಾರವಂತರನ್ನಾಗಿ ಮಾಡಲು ಅಣ್ಣ ಪಟ್ಟ ಪ್ರಯತ್ನ ಏನು ಕಮ್ಮಿ ? ಪಂಚಾಂಗ ಶ್ರವಣ, ದೈವ ಭಕ್ತಿ, ಪೂಜೆ, ಪುರಸ್ಕಾರ, ಪುರಾಣ ಶಾಸ್ತ್ರಗಳ ತಿಳಿವಳಿಕೆ, ಆಚಾರ, ವಿಚಾರ, ಸಂಸ್ಕೃತಿ ಇವೆಲ್ಲ ನಮಗೆ ಪಾಠ ಮಾಡುವಲ್ಲಿ ಅಮ್ಮನ ಜೊತೆಗೂಡಿ ಅವರೂ ಶ್ರಮಿಸಿದ್ದಾರೆ.

ನಾನು : of course...

ಪ್ರಪಂಚದ ಜನರಿಗೆ ಮನ್ನ ತಂದೆ ಮಿತಭಾಷಿ, ಸದಾ tension ನಲ್ಲಿ ಇರುವವರು ಅಂತ ಕಂದರು ನಮ್ಮ ತಂದೆಯ sense of humour ಮಾತ್ರ ultimate and unbeatable ! ಮೊನ್ನೆ ಮೊನ್ನೆ ಬಂದ ಗಾಳಿಪಟ ಚಿತ್ರದ ಹಾಡನ್ನು ಅರ್ಧಮರ್ಧ ಕೇಳಿಸಿಕೊಂಡು ನನಗೆ astrophysics exam ಇದ್ದ ದಿನ ಬೆಳಿಗ್ಗೆ " ಆಕಾಶ ಭೂಮಿಮೇಲಿದೆಯೋ " ಅಂತ ಹಾಡಿ ನನ್ನ tension ಇಳಿಸಿದರು !!!

Z : ಹೆ ಹೆಹೆ....ಹಾ ಒಂದು ದಿನ ನಾನೇ tea ಮಾಡುತ್ತೀನಿ ಎಂದು ಒಂದು ಲೀಟರ್ ಹಾಲು full ಖರ್ಚು ಮಾಡಿ tea ಮಾಡಿದ್ದು !!!

ನಾನು : ಉಹಹಹಹಾಹ !!!! oh yes I remember.....ಎಣ್ಣೆ ಹಾಕದೆ ದೋಸೆ ಬೇಯಿಸಲು ಹೋಗಿದ್ದು !!!

Z : ha hahahahah !!!!! ಮೊಬೈಲ್ ನಲ್ಲಿ "thank you and wish you the same " ಅಂತ too many recipients ಗೆ ಕಳಿಸಲು ಗೊತ್ತಾಗದೇ ಮೂರು ಗಂಟೆ ಪರದಾಡಿದ್ದು !!! ನನ್ನನ್ನು ಎಬ್ಬಿಸಲಿಲ್ಲ ಯಾಕೆ ಎಂದು ಕೇಳಿದರೆ..."ನೀನ್ ಸಖತ್ ಸ್ಪೀಡಾಗಿ ಮಾಡಿದ್ರೆ ನಂಗೆ ಹೇಗೆ ಗೊತಾಗತ್ತೆ ? " ಅಂದಿದ್ದು !!

ನಾನು : gtalk ನಲ್ಲಿ talk and chat ನ simultaneously ಮಾಡಲು initially ಒದ್ದಾಡಿ...ಈಗ ಪ್ರೌಢಿಮೆ ಸಾಧಿಸಿರೋದು. So many things of that sort !!!

ನಾನು : ultimate comedy : ನಮಗೆ ಹಬ್ಬಕ್ಕೆ ಬಟ್ಟೆ ಬೇಕು ಅಂತ ಕೇಳಿದ್ದಕ್ಕೆ ನನಗೆ ಮತ್ತೆ ಅಪರ್ಣಳಿಗೆ ಸೀರೆ ತಂದಿದ್ದು !!! ನಾವು ಮುಖ ಮುಖ ನೋಡಿದ್ದಕ್ಕೆ..."ನಿಮ್ಮ ಸೋದರತ್ತೆಯರಿಗೆ ನಿಮ್ಮ ತಾತ ನೂ ಹೀಗೆ ಮಾಡ್ತಿದ್ದ್ರು...ನಾನೂ ಹಾಗೇ ಮಾಡಿದಿನಿ. ವಂಶ ಪಾರಂಪರ್ಯ ಕೆಲಸ " ಅಂದಿದ್ದು !!!

Z : yes !! ಅದನ್ನ ಇನ್ನೂ ಹೀಗೆ ಇಟ್ಟುಕೊಂಡಿದ್ದೇವೆ ಉಡದೇ....ಅಣ್ಣನ ಹುಟ್ಟುಹಬ್ಬ ಜುಲೈ ಐದನೇ ತಾರೀಖು...ಆವತ್ತು ಉಡೋಣ ಅಂತ sketch ಹಾಕ್ತಿದೀನಿ.

ನಾನು : lets finalise the deal !

Z : ok. deal.

ನಾನು : Last but not the least, we would want you thank for everything you have done. ಇಲ್ಲಿ ಕೆಲವು ಮುಖ್ಯ ವಿಚಾರಗಳನ್ನು ಮಾತ್ರ ಹೆಸರಿಸಿದ್ದೇವೆ...ಮಿಕ್ಕಿದ್ದಕ್ಕೆಲ್ಲ ನಾವು ಕೃತಜ್ಞರಲ್ಲ ಅಂತ ಅಲ್ಲ....ಹೇಳಿದ್ವಲ್ಲ... we cant thank you enough !!!

ಅಣ್ಣಾ....thank you soooooooooooooooooo much for :

1. ಬೆಂಗಳೂರು ಮಂಗಳೂರು ವಿಮಾನ ಆರಂಭವಾದಾಗ (1986) airport ನಲ್ಲಿ ನಾನು ವಿಪರೀತ ಅಳುತ್ತಿದ್ದಾಗ ಅರ್ಧ ಕಿಲೋ ಓಣದ್ರಾಕ್ಷಿ ತಂದುಕೊಟ್ಟು (ಅದೊಂದರಿಂದಲೇ ನನ್ನ ಅಳು ಬೇಜಾರು ಎಲ್ಲಾ ನೀಗೋದು...ಈವತ್ತಿಗೂ )ನನ್ನನ್ನು ಶಾಂತ ರೀತಿಯಲ್ಲಿ ಸಮಾಧಾನ ಪಡಿಸಿದ್ದಕ್ಕೆ.

2. ನಾಲ್ಕು ಬೇರೆ ಬೇರೆ flavour icecream ಒಟ್ಟಿಗೆ ತಿನ್ನಬೇಕೆಂದು ನಾನು ಗಲಾಟೆ ಮಾಡಿದಾಗ ನಾಲ್ಕು cone ice cream ಒಟ್ಟಿಗೆ ಕೈಲಿ ಹಿಡಿದು ತಿನ್ನಿಸಿದ್ದಕ್ಕೆ.

3. ನಾನು ಕೇಳಿದ ಪುಸ್ತಕಗಳನ್ನೆಲ್ಲಾ ಮರುಮಾತಾಡದೇ ಕೊಡಿಸಿದ್ದಕ್ಕೆ.

4. ನಾನು ವಿಜ್ಞಾನ ನೇ ಓದೋದು ಅಂದಾಗ ಎಲ್ಲರಂತೆ ಬಲವಂತ ಪಡಿಸದೇ ನನ್ನ ಜೊತೆ ನಿಂತಿದ್ದಕ್ಕೆ.

5. ನಾನು ಕೇಳೋಕೆ ಮುಂಚೆಯೇ ರಸಗುಲ್ಲಾ...ಕೇಸರೀಭಾತ್ ಮುಂತಾದ ಸ್ವೀಟುಗಳನ್ನು ತಂದುಕೊಡುತ್ತಿರುವುದಕ್ಕೆ.

6. ನೀವು free ಆಗಿರುವ ಸಂಡೆಗಳಂದು ನನಗಾಗಿ ವಿದ್ಯಾರ್ಥಿ ಭವನ್ ದೋಸೆ ತರೋದಕ್ಕೆ !

7. ನಾನು ಯಾವುದೇ lecture, seminar, field work, presentation, competition , exam ಗಳಿಗೆ ಹೋಗಬೇಕಾದರೂ ನಿಮ್ಮ busy schedule ನಲ್ಲಿ ಜಾಗ ಮಾಡೀಕೊಂಡು ನನ್ನನ್ನ pick up ಮತ್ತೆ drop ಮಾಡೋದಕ್ಕೆ !ಎಂತದ್ದೇ ಹೊತ್ತಾದರೂ !!!

ನಮಗೆ ಗೊತ್ತು...ನಿಮ್ಗೆ US culture ಥರ " happy father's day " ಅಂತೆಲ್ಲ wish ಮಾಡೋದು ಇಷ್ಟ ಇಲ್ಲ ಅಂತ... but...this is an opportunity for us to remember, cherish and thank you for all that you have done to us !

thanks dad...words fall short to say anything more !!!!!!!

ಬರಲಿದ್ದಾನೆ ಸರ್ವಧಾರಿ

Z : ನಾಳೆ ಚಾಂದ್ರಮಾನ ಯುಗಾದಿ. ಸರ್ವಧಾರಿ ಬರಲಿದ್ದಾನೆ. ನಾನಂತೂ ಬೇವು ಬೆಲ್ಲಕ್ಕೆ ಕಾಯುತ್ತಿದ್ದೇನೆ.

ನಾನು : ಅದು ಅರ್ಧ ಸತ್ಯ. ಪೂರ್ತಿ ಸತ್ಯ ಏನೂ ಅಂತ ನಂಗೊತ್ತು. ರುದ್ರಾಭಿಷೇಕದ ತೀರ್ಥ, ಒಬ್ಬಟ್ಟು, ಪಾಯಸ, ಮಾವಿನ ಕಾಯಿ ಚಿತ್ರಾನ್ನ, ಮೊಸರನ್ನ...ಇವೆಲ್ಲ ಸಿಕ್ಕ್ ಸಿಕ್ಕಾಪಟ್ಟೆ ಮೇಯೋದು ನಿನ್ನ agenda !!!ತಾಯಿ.....ಮಂಗಳವಾರದಿಂದ internals ಇದೆ !! ಓದ್ಬೇಕು !!

Z : ಓದು, ಬರಹ, ಸಾಧನೆ, ಎಲ್ಲಾ ನಿನ್ನ department ಉ. ನಾನು Zindagi. ಭಾವನೆ ಇರೋಳು. ಹಬ್ಬ ಹರಿದಿನ ಎಲ್ಲ ಎಂಜಾಯ್ ಮಾಡೋಳು. ನಿನ್ ಥರ emotionless ಅಲ್ಲ. ಎಲ್ಲದಕ್ಕೂ ಕಾರಣ ಹುಡುಕ್ತಾ ಪ್ರಶ್ನೆ , ತರ್ಕ ಎಲ್ಲ ಮಾಡೋದಿಲ್ಲ !!

ನಾನು : ನಿನ್ emotion ನ ನೀನೆ ಇಟ್ಕೊಂಡು ಉಪ್ಪಿನ್ಕಾಯಿ ಹಾಕೊ. ನನ್ನ practicality ಬಗ್ಗೆ ಚಕಾರ ಎತ್ತ್ಬೇಡ.

Z : ಸರಿ. ನಂಗೂ ಈಗ ಮತ್ತೆ ಜಗಳ ಆಡೋಕೆ mood ಇಲ್ಲ. ಆಗ್ಲೆ ಒಂದು ಸಲ ಇದರ ಬಗ್ಗೆ ನೇ ಸಿಕ್ಕ್ ಸಿಕ್ಕಾಪಟ್ಟೆ ಜಗಳ ಆಡಿ, ನೀನು ಮಾತು ಬಿಟ್ಟು, ಕಡೆಗೆ ನಾನೇ ಸೋಲೊಪ್ಪಿಕೊಳ್ಳುವ ಹಾಗೆ ಮಾಡಿದ್ದೀಯ. ನಿನ್ನನ್ನ ಸೋಲಿಸುವವುದು ಕಷ್ಟ...ನನಗಿಂತ ಹೆಚ್ಚು ಹಠವಾದಿ ನೀನು.

ನಾನು : ಗೊತ್ತಾಯ್ತಲ್ಲ...ಶಾಂತವಾಗಿ silent ಆಗಿ ಹಾಗೆ ಸುಮ್ನೆ ತೆಪ್ಪಗೆ ಇದ್ಬಿಡು. ನಾಳೆ ಗೆ ಏನ್ plan- ಉ ?

Z : ನೀನೆ almost ಎಲ್ಲಾ ತಿಳೀಸಿದಿಯ....ಎರಡು ವಿಷಯ ಮರ್ತೆ. ಪಂಚಾಂಗ ಶ್ರವಣ ಮತ್ತು ರಾಶಿ ಫಲ ಪಠಣ. ಏನ್ ಬರ್ದಿದೆ ನನ್ನ ಭವಿಷ್ಯದಲ್ಲಿ ಅಂತ ತಿಳ್ಕೋಬೇಕು.

ನಾನು : ಲೇ hopeless ! ಕಣ್ಮುಂದೆ ಕಾಣಿಸು ನೀನು ಒಂದ್ ಸರ್ತಿ ! ಕುಟ್ಟುತ್ತೀನಿ ತಲೆ ಮೇಲೆ ! ಭವಿಷ್ಯ ಅಂತೆ ಭವಿಷ್ಯ !ಗ್ರಹಗಳಿಂದ ನಮಗೆ at the most ಆಗೋ effect ಅಂದ್ರೆ gravitational attraction ಒಂದೆ. ಅವ್ರನ್ನೆಲ್ಲಾ ಕರ್ದು ಒಂದೊಂದು ಮನೇಲಿ ಕೂರಿಸಿ ಇವನು ಒಳ್ಳೆಯವನು, ಅವನು ಕೆಟ್ಟವನು, ಇವನಿಂದ ಹೀಗ್ ಆಗತ್ತೆ ,ಹಾಗ್ ಆಗತ್ತೆ ಅಂತೆಲ್ಲ ತರಹೇವಾರಿ ಭವಿಷ್ಯಗಳನ್ನ ಓದಿ mood out ಮಾಡ್ಕೋತೀಯ ...ಅದಕ್ಕೆ ನಿನ್ನ ನಿಷ್ಪ್ರಯೋಜಕಿ ಅನ್ನೋದು !! ನಾಳೆ ನಾನು internals ge ಓದ್ತಿರ್ತಿನಿ. ಮಧ್ಯ ಏನಾದ್ರು ಫೋನ್ ಮಾಡಿ ಭವಿಷ್ಯ ದ್ದು "ಭ" ನು ಎತ್ಬೇಕಲ್ಲ... ಅಷ್ಟೆ !!!!

Z : noooooooooo !!!!!!!!!!! ಇಲ್ಲಾ....ಹಾಗ್ ಮಾಡ್ಬೇಡ...ಪ್ಲೀಈಈಈಈಈಈಈಈಈಸ್ !!!

ನಾನು : good ! ಇದು ದಾರಿಗೆ ಬರೋ ಲಕ್ಷಣ ಅಂದ್ರೆ. ನಾವು ನಮ್ಮ ಪ್ರಯತ್ನ ನ ಶ್ರದ್ಧೆ ಇಂದ ಮಾಡಿದ್ರೆ, sooner or later ನಮಗೆ ಎಲ್ಲಾ ಒಳ್ಳೇದೇ ಆಗತ್ತೆ. Newton's laws are always valid and that's why they are universal. ಗೊತ್ತಾಯ್ತ ? ನಾಳೆ ನನ್ನ ಪ್ರಕಾರ another new day ಅಷ್ಟೆ. lets all pray for a good life. ಜನಕ್ಕೆ ಸದ್ಬುದ್ಧಿ ಬರ್ಲಿ. pollution ಇಂದ warming ಆಗಿ ಯಾವಾಗ್ ಯಾವಗ್ಲೋ ಮಳೆ, ಯಾವಾಗ್ ಯಾವಾಗ್ಲೋ ಚಂಡಮಾರುತಗಳು ಬೀಸುತ್ತಿವೆ. ಇದನ್ನ ಬಗೆಹರಿಸೋ ವಿವೇಕವನ್ನ ಸರ್ವಧಾರಿ ಕರುಣಿಸಲಿ. ಸದ್ಯೋಜಾತನ ದಯೆಯಿಂದ ಅಪಘಾತಗಳು ಆದಷ್ಟು ಕಡಿಮೆ ಆಗಲಿ. ರಾಜಕೀಯ ಮತ್ತು ವ್ಯಾಪಾರಗಳಲ್ಲಿನ ವೈಮನಸ್ಯ ಮತ್ತು unhealthy competition ಕಡಿಮೆ ಆಗಿ, greater good ಗೆ ಪ್ರಪಂಚ aim ಮಾಡಲಿ. ಎಲ್ಲರಿಗೂ ಮನಶ್ಶಾಂತಿ ಲಭಿಸಲಿ. ನೀನು ಹೀಗೆ ಕೇಳಿಕೋ.

Z : ditto !!!

ನಾನು : ಸೋಂಬೇರಿ !! anyways, ಎಲ್ಲರಿಗೂ ಸರ್ವಧಾರಿ ಸಂವತ್ಸರದ ಹಾರ್ದಿಕ ಶುಭಾಶಯಗಳು.

Z : ditto !
ಇವಳು ಮತ್ತೆ ಸೋಂಬೇರಿ ಅಂತ ಬಯ್ಯೋ ಮುಂಚೆ....line on hold !!!