Tuesday, January 20, 2009

Please welcome ಶಾರ್ವರಿ

Z : ಅಯ್ಯೋ...ಎಷ್ಟ್ ವಸ್ತುಗಳು ಸೇರ್ಕೊಳ್ಳತ್ವಪ್ಪಾ....ಇವಳ gadget list ಗೆ ?

ನಾನು : I think ಇದು (n-m) th.

Z : ಆಹಾ... ಏನು ಈ ಶಾರ್ವರಿ ?

ನಾನು : ನನ್ನ ಹೊಚ್ಚ ಹೊಸ laptop.

Z : ಅಹಾ....ಯಾವಾಗ್ ಬಂತು ?

ನಾನು : ನೆನ್ನೆ.

Z : ಅದನ್ನ ಇವತ್ತ್ ಹೇಳ್ತಿದ್ಯಾ ?

ನಾನು : ಇಲ್ಲಾ ಹಾಗಲ್ಲ...ಎಲ್ಲ settings ಚೆಕ್ ಮಾಡೀ, firefox, baraha ಎಲ್ಲ download ಮಾಡಿ, ಕನ್ನಡ ಸ್ಫುಟವಾಗಿ ಕಾಣತ್ತಾ ನೋಡಿ, laptop ಬಂದ ವಿಷಯ ನ ಲೋಕಕ್ಕೆಲ್ಲಾ ಹೇಳಿ, ಆಮೇಲೆ ಬ್ಲಾಗ್ ಕಡೆ ಪಾದಾರ್ಪಣೆ.

Z : ಇದು ಅನ್ಯಾಯ, ಅಕ್ರಮ, ಮೋಸ, ವಂಚನೆ, ಕ್ರೌರ್ಯ ಮತ್ತು ದೌರ್ಜನ್ಯ.

ನಾನು : ok. ಆಮೇಲೆ ?

Z : ನನಗಿಷ್ಟೇ ಕನ್ನಡ ಬರೋದು.

ನಾನು : ಜಾಸ್ತಿ ಆಯ್ತು actually.

Z : ಅಲ್ಲಾ...ಮೊದ್ಲು ನನಗಲ್ವಾ ಹೇಳ್ಬೇಕಾಗಿರೋದು ?

ನಾನು : computer ನಲ್ಲಿ ಕನ್ನಡ ಬರ್ದೇ ಇದ್ರೆ ಇಲ್ಲಿಗೆ ಬಂದು ನಾನು ಏನ್ ಮಾಡ್ಲಿ ? ಹೇಗೆ ನಿನಗೆ ಹೇಳಲಿ ?

Z : point.

ನಾನು : ಈಗ ಅರ್ಥ ಆಯ್ತಾ ? ಅದಕ್ಕೆ...ನೆನ್ನೆ ರಾತ್ರಿ ಕೂತು ಬಂದ ಈ ಹೊಸ ಅತಿಥಿ ನ ಸರಿಯಾಗಿ ವಿಚಾರ್ಸ್ಕೊಂಡು...

Z : ಪಾಪ...

ನಾನು : ಹೇ...ವಿಚಾರ್ಸ್ಕೊಳ್ಳೋದು ಅಂದ್ರೆ ಹಾಗಲ್ಲ. firefox, ಬರಹ, picasa,ಇತ್ಯಾದಿಗಳನ್ನ ಇಳಿಸಿಕೊಂಡು, ಹಸಿವಾಗಿದ್ದ ಶಾರ್ವರಿಗೆ software ಗಳನ್ನ ಬಡಿಸಿ, ತೃಪ್ತಿ ಪಡ್ಸೋ ಅಷ್ಟ್ರಲ್ಲಿ ಇಷ್ಟೊತ್ತಾಗೋಯ್ತು.

Z : ಓಹೊಹೊಹೊಹೊ.

ನಾನು : ಹೊಸಾ friend ನ welcome ಮಾಡು.

Z : ಕಾಲೇ ಇಲ್ಲ ಇದಕ್ಕೆ...ಬಲಗಾಲಿಡು ಅಂತ ಹೇಗೆ ಹೇಳೋದು ?

ನಾನು : ಅಯ್ಯೋ ರಾಮಾ...ಇದು ಸಣ್ಣ laptop. ಇದಕ್ಕೆ ಕತ್ತು, ಕಿವಿ,ಕೈ ಕಾಲೆಲ್ಲ ಇರಲ್ಲ. ಬರಿ ಮುಖ ಇರತ್ತೆ.

Z : ಚಿಕ್ಕು ಮುಖ ಅಲ್ವಾ ? ಮರ್ತೆ...ಬರ್ಬೇಕು ಬರಬೇಕು ಶಾರ್ವರಿ ಅವರು....

ನಾನು : ಹೂಂ...ಇದು Acer Aspire one series laptop. 9 inches ಅಷ್ಟೇ screen.

Z : ಇದಕ್ಕೂ ಕಿವಿ, ಬಾಯಿ attachment ಎಲ್ಲಾ ಹಾಕೋಬೇಕಾ ?

ನಾನು : ಏನು ಇಲ್ಲ. built in mic, built in webcam.

Z : ಮುಖ ಚೆನ್ನಾಗಿ ಕಾಣತ್ತಾ ?

ನಾನು : ಹೂಂ..ತಾಯಮ್ಮನಿಗೂ ಬೆಳಿಗ್ಗೆ ಅವರ ಮುಖಾ ನ ತೋರ್ಸ್ದೆ webcam ನಲ್ಲಿ...ಕರೆಂಟ್ ಹೊಡೆದ ಕಾಗೆ ಆದರು ಅವರು. ಪುಸ್ತಕದ ಥರಾ ಇದೆ...ಮುಖಾ ಎಲ್ಲಾ ಕಾಣ್ತದೇ...???? ಅಂತ

Z : ಹೆಹೆಹೀ....ಯಾತಕ್ಕೆ ಆಗಮಿಸಿದ್ದು ಶಾರ್ವರಿ ಅವ್ರು ಸಡನ್ನಾಗಿ ?

ನಾನು : ಅದ್ ಏನ್ ಆಯ್ತಪ್ಪಾ ಅಂದ್ರೆ...ನಾನು ಡಿಸೆಂಬರ್ 21st UGC CSIR NET ಪರೀಕ್ಷೆ ತಗೊಂಡಿದ್ದೆ..ಅದರ ರಿಸಲ್ಟು ಸಂಕ್ರಾಂತಿಯ ಹಿಂದಿನ ದಿನ ಬಂತು. ಭೌತಶಾಸ್ತ್ರ ವಿಭಾಗದಲ್ಲಿ ಸಾವ್ರಾರು ಜನ ತಗೊಂಡಿರ್ತಾರೆ ಈ ಪರೀಕ್ಷೆನ ದೇಶದಲ್ಲೆಲ್ಲಾ...ಅದರಲ್ಲಿ ಮೊದಲನೆಯ ಹಂತದಲ್ಲಿ ತೇರ್ಗಡೆಯಾಗಿರೋರು ಒಂದು ಸಾವಿರ ಚಿಲ್ಲರೆ ಜನ. ಆ ತೇರ್ಗಡೆಯಾದವರಲ್ಲಿ ನಾನೂ ಒಬ್ಬಳು.

Z : ಸರಿಯಾಗಿ ನೋಡಿದ್ಯಾ ?

ನಾನು : ಹೂಂ ಕಣೆ...ಬರೋಬ್ಬರಿ ಹನ್ನೆರಡು ಸಲ ನನ್ನ ಅದೇ ರೆಜಿಸ್ಟರ್ ನಂಬರ್ ನ ಟೈಪ್ ಮಾಡಿ ಮಾಡಿ ಚೆಕ್ ಮಾಡಿದೆ.

Z : ಪ್ರತಿಸಲ ಒಂದೇ ಥರ ತೋರ್ಸ್ತಾ ?

ನಾನು : ಹೂಂಂಂಂಂ.....

Z : ಹಾಗಾದ್ರೆ ಸರಿ. ಅದಕ್ಕೂ ಶಾರ್ವರೀ ಗೂ ವ್ಹಾಟ್ ಸಂಬಂಧ ?

ನಾನು : ಎರಡನೆಯ ಪೇಪರ್ ಕ್ಲಿಯರ್ ಮಾಡಿದ್ರೆ ನಾನು ವಿಜ್ಞಾನಿಯೋ ಅಥವಾ ಅಧ್ಯಾಪಕಿಯೋ ಆಗಬಹುದು. ಆಗದಿದ್ರೆ ಈ ಎರಡೂ ಪೇಪರ್ ಮತ್ತೆ ತಗೋಬೇಕು. ಯೆಷ್ಟೋ ಜನ ಮೊದಲನೇ ಪೇಪರ್ ನೇ clear ಮಾಡಿಲ್ಲ. ನಾನು ಮಾಡಿದ್ನಲ್ಲಾ...ಅದಕ್ಕೆ ಅಣ್ಣ (ಅಪ್ಪ) ಶಾರ್ವರಿ ನ gift ಮಾಡಿದ್ರು.

Z : !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ನಾನು : ಆಯ್ತಾ ? ಅಥ್ವಾ ಇನ್ನು ಭಾವೋದ್ವೇಗ ಇದ್ಯೋ ?

Z : ಆಯ್ತು ಆಯ್ತು. continue.

ನಾನು : ಅಣ್ಣ ಅಂದ್ರು, "ತಗೋ ಇದನ್ನ...ಮನೆಯಲ್ಲಿ ವಯರ್ಲೆಸ್ ಮೋಡೆಮ್ ಹೇಗೂ ಇದೆ...ಇದಕ್ಕೆ ವಯರ್ಲಿಸ್ಸ್ ಫಿಡೆಲಿಟಿ ಇದೆ. ಮನೆಯಲ್ಲಿ ಎಲ್ಲಿ ಬೇಕಾದ್ರೂ ಕೂತ್ಕೊಂಡು ಕುಟ್ಕೋ ನಿನ್ನ ಬ್ಲಾಗ್ ಗಳನ್ನ...ಟಪ ಟಪ ಅಂತ "

Z : ನೀನೇನಂದೆ ?

ನಾನು : ಧನ್ಯೋಸ್ಮಿ ಅಂದೆ.

Z : ಭೇಷ್.

ನಾನು : thank you thank you.


Z : ಶಾರ್ವರಿ ಬಂದ ಮೇಲೆ ಅವರು ಮಾಡಿದ ಮೊದಲ ಕೆಲಸ ?

ನಾನು :ಲಾಲ್ ಬಾಗ್ ನ ಫಲಪುಷ್ಪ ಪ್ರದರ್ಶನದಲ್ಲಿ ನಲ್ಲಿ ತೆಗೆದ ಫೋಟೋಗಳನ್ನ ತಮ್ಮ ತೆಕ್ಕೆಗೆ ಸೇರಿಸಿಕೊಂಡಿದ್ದು.

Z : ಆಹಾ ?

ನಾನು : ಹಾಂ...ನಾನು ಸುಮಾರು ೧೫೦ ಫೋಟೋ ತೆಗೆದೆ. courtesy chaaya. ನಮ್ಮನೆ ಎದುರು ಮನೆಯವರಾದ ನಂದಿನಿ ತಮ್ಮ ಪ್ರೊಫೆಷನಲ್ slr camera ಇಂದ ಸುಮಾರು ೧೫೦ ಫೋಟೋ ತೆಗೆದ್ರು. ಎಲ್ಲವನ್ನು ಅಪ್ಲೋಡ್ ಮಾಡಕ್ಕೆ ಎರಡು ದಿನ ಬೇಕಾಗತ್ತೆ. ಎರಡು ದಿನ ಆದ್ಮೇಲೆ ನಿನಗೆ ಖಂಡಿತಾ ಫೋಟೋ ತೋರ್ಸ್ತಿನಿ.

Z : ಓಕೆ...

ನಾನು : ಅಲ್ಲಿಯವರೆಗೂ line on hold.

11 comments:

ಪಾಲಚಂದ್ರ said...

ಕಂಗ್ರಾಟ್ಸ್ ಕಣ್ರಿ, ಮೊದಲ ಶ್ರೇಣಿಲಿ ಪಾಸಾಗಿದ್ದಕ್ಕೆ, ನಿಮ್ಮ "ಕುತೂಹಲಿ" ನೋಡ್ಕಂಡೇ ಅಂದ್ಕೊಂಡೆ ಇವ್ರೊಬ್ರು ಮರಿ ವಿಜ್ಞಾನಿ ಇರ್ಬೋದು ಅಂತಾ.
ಅಂತೂ ಲಾಲ್ ಬಾಗಿಗೆ ಹೋಗಿ ಫೋಟೋ ತೆಕ್ಕೊಂಡ್ ಬಂದ್ರಿ, ಬರೀ ೧೫೦ತ್ತೇನಾ? ನಾನು ನಾಳೆ ಹೋಗಿ ೩೦೦ ತೆಕ್ಕೊಂಡ್ ಬರ್ತೀನಿ

ಟಿ ಜಿ ಶ್ರೀನಿಧಿ said...

ರಿಸಲ್ಟು ಕೇಳಿ ಸಂತೋಷವಾಯ್ತು, ಅಭಿನಂದನೆಗಳು. ಜಿಲೇಬಿನಾಡಿನ ಕಥೆ ಚೆನ್ನಾಗಿತ್ತು :-)

ಸಿಮೆಂಟು ಮರಳಿನ ಮಧ್ಯೆ said...

ಸಂಭಾಷಣೆ ಯಾವತ್ತಿನ ಹಾಗೆ "ಸೂಪರ್"

ಬೆಳಗಿನ ಸಮಯ.. ಮಂಜಿನ ಹನಿಗಳು..ಲಾಲ್ ಬಾಗ್ ನ ಹೂ ಗಳು ಬಲು ಚಂದ..

ಕ್ಯಾಮರ ಇದೆಯಲ್ಲ ಒಮ್ಮೆ ಹೋಗಿ ಬನ್ನಿ..

ಜ್ಯೋತಿ said...

Congrats!
ಆದ್ರೆ ಆ laptop ಅಲ್ಲಿ ಡಿ.ವಿ.ಡಿ drive ಇಲ್ಲಾ ಅಲ್ವಾ?

Harish - ಹರೀಶ said...

ಅಭಿನಂದನೆಗಳು... ಆದ್ರೆ ನೀವು ಇಷ್ಟೊಂದು ಸುಳ್ಳು ಹೇಳ್ತೀರಾ ಅಂತ ಅಂದ್ಕೊಂಡಿರಲಿಲ್ಲ...

ಮೊದಲನೇ ಸುಳ್ಳು:
Lakshmi: exam ashtondu chennaag en aaglilla
Lakshmi: but teera kettadaagu irlilla
me: andre chennaagaagide :-)
me: abhinandanegaLu
ಎರಡನೇ ಸುಳ್ಳು:
Lakshmi: ayyo illa ri
Lakshmi: nijvaaglu
me: hmm result yaavaaga
ಮೂರನೇ ಸುಳ್ಳು:
Lakshmi: innondh erad moor tinglu

ಸಂದೀಪ್ ಕಾಮತ್ said...

150+150 photos .oh chances are more !Let us wait n watch !

Lakshmi S said...

ಸಂದೀಪ್ ಕಾಮತ್,

Keep waiting :-)

ಹರೀಶ್:

ಅಲ್ಲಾ ರಿ..ನಾನು ಎರಡ್ ಪೇಪರ್ ನೂ ಒಟ್ಟಿಗೆ ಸೇರ್ಸಿ ಹೇಳಿದ್ರೆ ನೀವು ಏಕ್ ದಮ್ ಸುಳ್ಳು ಅಂತ ಆಪಾದಿಸೋದಾ ?
ತಗೊಳ್ಳಿ ನನ್ನ ಸ್ಪಷ್ಟೀಕರಣ:

ನನಗೆ ಬೇಸಿಕಲಿ ಈ ಪರೀಕ್ಷೆ clear ಮಾಡ್ತಿನಿ ಅನ್ನೋ ನಂಬಿಕೆನೇ ಇರಲಿಲ್ಲ. ಮಿನಿಮಮ್ ಮೂರು ಅಟೆಂಪ್ಟು ಬೇಕು ಅಂತ ಎಲ್ಲಾರು ಹೆದರಿಸಿದ್ದರು.ನನ್ನ ಅದೃಷ್ಟಕ್ಕೆ ಮೊದಲನೆಯ ಪೇಪರ್ ಸ್ವಲ್ಪ ಸುಲಭವಾಗಿತ್ತು. Negative marking ಇದ್ದರೂ ಧೈರ್ಯವಾಗಿ chance ತಗೊಂಡು ೧೦೦ ಪ್ರಶ್ನೆಗಳಲ್ಲಿ ತೊಂಭತ್ಮೂರು ಪ್ರಶ್ನೆಗೆ ಉತ್ತರ ಕೊಟ್ಟು ಬಂದಿದ್ದೆ. ಇದಕ್ಕೆ ಹೇಳಿದ್ದು ನಾನು ಅಂದುಕೊಂಡಷ್ಟು ಕೆಟ್ಟದಾಗಿರಲಿಲ್ಲ ಅಂತ.

ಯಾರ್ಯಾರು ಮೊದಲನೆಯ ಪೇಪರ್ ಕ್ಲಿಯರ್ ಮಾಡಿರುತ್ತಾರೋ ಅವರದ್ದೇ ಎರಡನೆಯ ಪೇಪರ್ valuation ಗೆ consider ಮಾಡೋದು. ಮಿಕ್ಕವರದ್ದೆಲ್ಲಾ ನೋಡೋದು ಇಲ್ಲ. ಬೇಜಾರ್ ಆಗೋ ಅಂಥಾ ವಿಷಯ ಏನಪ್ಪಾ ಅಂದ್ರೆ...ನಾನು ಎರಡನೆಯ ಪೇಪರ್ ನಲ್ಲಿ ಅಷ್ಟು ಚೆನ್ನಾಗಿ ಮಾಡಕ್ಕೆ ಆಗ್ಲಿಲ್ಲ.ಸಿಕ್ಕ್ ಸಿಕ್ಕಾಪಟ್ಟೆ ಕಷ್ಟ ಇತ್ತು ಅದು. :( ನಾನು ಸೆಕೆಂಡ್ ಪೇಪರ್ ಕ್ಲಿಯರ್ ಮಾಡಿದ್ರೇನೆ ಪಿಎಚ್.ಡಿ...ಇಲ್ಲಾಂದ್ರೆ ಏನೂ ಇಲ್ಲ :( :( :( ಅದಕ್ಕೆ ಹೇಳಿದ್ದು ಚೆನ್ನಾಗಿ ಆಗ್ಲಿಲ್ಲ ಅಂತ...

ರಿಸಲ್ಟನ್ನ ಅಂತರ್ಜಾಲದಲ್ಲಿ ಹಾಕ್ತಾರೆ ಅಂತ ನನಗೆ ಗೊತ್ತೇ ಇರ್ಲಿಲ್ಲ.employment news ನಲ್ಲಿ ಲೇಟಾಗಿ ಎರಡ್ ಪೇಪರ್ ರಿಸಲ್ಟು ಒಟ್ಟಿಗೆ ಬರತ್ತೆ ಅಂತ ಹಾಗೆ ಹೇಳಿದೆ ಅಷ್ಟೇ...

ಒಂದ್ ವಿಷ್ಯ ತಿಳ್ಕೊಂಡ್ಬಿಡಿ..ಸತ್ಯ ಹರಿಶ್ಚಂದ್ರ ಆದ್ಮೆಲೆ...ನಾನೆ next-u ಸತ್ಯವಂತೆ :-) :-)

ಜ್ಯೋತಿ:
thanks !
ಹೂಂ...ಡ್ರೈವ್ ಇಲ್ಲ..ಪೆನ್ ಡ್ರೈವ್ ನಲ್ಲೆ ಮ್ಯಾನೇಜ್ ಮಾಡ್ಬೇಕು :-)

ಪ್ರಕಾಶ್ ಅಂಕಲ್:

ಅಪ್ಪಣೆ...ಪ್ರಯತ್ನ ಮಾಡುವೆ.

ಟಿ ಜಿ ಶ್ರೀನಿಧಿ:

ನಮಸ್ಕಾರ, ಬ್ಲಾಗ್ ಗೆ ಸ್ವಾಗತ. ನಿಮ್ಮ ಅಭಿನಂದನೆಗೆ ಧನ್ಯವಾದಗಳು. ಜಲೇಬಿ ನಾಡಿನ ಕಥೆ ಮುಂದುವರೆಯಲಿದೆ. ಅದನ್ನೂ ನೋಡಲು ಬನ್ನಿ, ಬರುತ್ತಿರಿ.

ಪಾಲಚಂದ್ರ:

ನಾನು "ಮರಿ" ಅಲ್ಲ :( :( :(

ನಿಮ್ಮ ಅಭಿನಂದನೆಗೆ ಧನ್ಯವಾದಗಳು.

ಮುನ್ನೂರೇನು..ಮೂರು ಸಾವಿರ ಫೋಟೋಸ್ ತೆಗೆದುಕೊಂಡು ಬನ್ನಿ ಪಾ...ನನ್ನ ಬ್ಯಾಟೆರಿ ಖಾಲಿ ಆಗೋಯ್ತು..[charge ಮಾಡೋದು ಮರ್ತೆ]ಇಲ್ಲಾಂದಿದ್ದಿದ್ದರೆ ಜಮಾಯ್ಸ್ತಿದ್ದೆ ನಾನು...

ಅಂತರ್ವಾಣಿ said...

ಏನೇ ಇರಲಿ... ನೀನು ಪ್ರತಿ ಸಲ ತಾಯಮ್ಮಳಿಗೆ ಕೊಡೋ ಹೋಲಿಕೆಗಳು ಸರಿ ಅಲ್ಲ. "ಅಗ್ರಜ"ನಿಗೆ ಇದನ್ನು ಸಹಿಸಿಕೊಳ್ಳಲು ಆಗೋದಿಲ್ಲ. ಇದರ ಕುರಿತು ನನ್ನ ಮೊದಲ ಅಗ್ರಜಾನುಭವದಲ್ಲಿ ಒಂದು ವಾಣಿಯಿದೆ ಓದು ಒಮ್ಮೆ.

Sreeharsha said...

ಶಾರ್ವರಿ ಅ೦ದ್ರೆ ಅರ್ಥ ಏನು?
ಅಭಿನ೦ದನೆಗಳು ಪಾಸಾಗಿದ್ದಕ್ಕೆ :-)

~ ಹರ್ಷ

ಅಸತ್ಯ ಅನ್ವೇಷಿ said...

ಇನ್ನು ಮುಂದೆ ಕುಟ್ಟಿದ್ದೇ ಕುಟ್ಟಿದ್ದು ಅಂತೆಲ್ಲಾ ಹೇಳ್ತಾ ಇರ್ಬೇಡಿ. ಮೆಲ್ಲ ಕುಟ್ಬೇಕಾಗುತ್ತೆ. ಯಾಕಂದ್ರೆ ಅದು ಲ್ಯಾಪು ಟಾಪು.

Vijay said...

ಅಂದರೆ ನಿಮ್ ಹತ್ರ ಇರೋದು ಲ್ಯಾಪ್ ಟಾಪ್ ಅಲ್ಲ.. ಅದು ನೋಟ್ ಬುಕ್.. :) literally ನೋಟ್ ಬುಕ್ ಅಷ್ಟೇ ಗಾತ್ರ...