Friday, May 1, 2009

ಎಲ್ಲರ ಜೀವನನೂ ಇಷ್ಟೇ ಅಲ್ವಾ ?

Z : ಏನಿದು ಸಡನ್ ವೈರಾಗ್ಯ ? !

ನಾನು : ಗೊತ್ತಿಲ್ಲ...

Z :ಯಾಕೆ ಹಿಂಗಾಗೋಗಿದ್ಯಾ...

ನಾನು : ಯಾಕೋ ಹಿಂಗೆ ಅನ್ಸಕ್ಕೆ ಶುರುವಾಗೋಗಿದೆ.

Z :ಅದೆ ಯಾಕೆ ಅಂತ.

ನಾನು : ಇವತ್ತ್ ಏನಾಯ್ತಪ್ಪ ಅಂದ್ರೆ...ಸಾಯಂಕಾಲ ನಾನು ನನ್ನ ರೂಮಲ್ಲಿ "ನಾಯಿ ನೆರಳು" ಪುಸ್ತಕ ಓದೋಣ ಅಂತ ಒಳಗೆ ಬಂದೆ. ಸಿಕ್ಕಾಪಟ್ಟೆ ಸೆಖೆ ಅಂತ ಕಿಟಕಿ ತೆಗೆದೆ.

Z : ಸರಿ. ಮುಂದೆ ?

ನಾನು : ಮನೆಯ ಹಿಂದಿನ ರಸ್ತೆಯಲ್ಲಿ ಒಂದು ತೆಂಗಿನ ಮರ ಇದೆ. ಇತ್ತೀಚೆಗೆ ಅಲ್ಲಿ ಹದ್ದುಗಳ ವಾಸ ಶುರುವಾಗಿದೆ.

Z : ತೆಂಗಿನಮರದ ಮೇಲೆ ಹದ್ದುಗಳಾ ?

ನಾನು : yes. strange, but true. ಪ್ರತಿದಿನ ಸಾಯಂಕಾಲ ಮೂರು ಹದ್ದುಗಳು ಬರತ್ವೆ...around 6 pm.

Z : ಅದಕ್ಕೆ ?

ನಾನು : ಸರಿ ಇವುಗಳ ಫೋಟೋ ತೆಗೆಯಬೇಕು ಅಂತ ನನಗೆ ಬಹಳ ದಿನಗಳಿಂದ ಆಸೆ ಇತ್ತು. ಇವತ್ತು ಅದನ್ನ ಪೂರೈಸಿಕೊಳ್ಳೋ ಆಸೆ ಆಗಿ ಪುಸ್ತಕ ಮುಚ್ಹಿಟ್ಟು ಕ್ಯಾಮೆರಾ ತಗೊಂಡು ಸೀದಾ ಟೆರೇಸಿಗೆ ಓಡಿದೆ.

Z : ಹ್ಮ್ಮ್ಮ್...

ನಾನು : ಅಷ್ಟೊತ್ತಿಗೆ ಎರಡು ಹದ್ದುಗಳು ಪರಾರಿ.

Z : sad.

ನಾನು : ಸಾಯಂಕಾಲ ಬೇರೆ.ಲೈಟಿಂಗ್ ಕೈ ಕೊಡ್ತಿತ್ತು...ಪೂರ್ತಿ zoom ಮಾಡಿದರು ಚಿತ್ರ ನೆಟ್ಟಗೆ ಬರುವುದು ಡೌಟಾಯ್ತು. ಆದರೂ ಸಿಂಗಲ್ ಹದ್ದುವಿನ ಚಿತ್ರ ತೆಗೆದೆ. ಆದರೆ ಕಾಗೆಗೂ ಅದಕ್ಕೂ ವ್ಯತ್ಯಾಸವೇ ಕಾಣಲಿಲ್ಲ.

Z : ಹೆಹೆ !

ನಾನು : ನಗಬೇಡ. ಅನ್ಯಾಯ ಆಯ್ತಲ್ಲ ಅಂತ ವಾಪಸ್ ಹೊರಡಲು ರೆಡಿಯಾದೆ. ಅಷ್ಟೊತ್ತಿಗೆ ನನಗೆ ಒಂದು ದೃಶ್ಯ ಕಣ್ಣಿಗೆ ಕಂಡಿತು. ಪೇಪರ್ ಆಯುವ ಹೆಂಗಸೊಬ್ಬಳು ಬಂದು ತನ್ನ ಮಗುವನ್ನ ಕೆಳಗಿಳಿಸಿ ಬಿದ್ದಿದ್ದ cartons ನ ತೆಗೆದುಕೊಳ್ಳಲು ಶುರು ಮಾಡಿದಳು. ನಾನು ಅವಳನ್ನು ಹಾಗೇ ನೊಡುತ್ತಾ ನಿಂತೆ. ಯಾರಾದರು ಬೇರೊಬ್ಬರು ಬಂದು ಅದನ್ನ ತೆಗೆದುಕೊಳ್ಳಬಹುದು, ಇವಳು ಮಗುವನ್ನ ಕರೆದುಕೊಂಡು ಹೋಗಬಹುದು ಎಂದು ಅತ್ತಿತ್ತ ನೋಡಿದೆ. ಉಹೂ...ಯಾರೂ ಇಲ್ಲ.

Z : interesting...ಆಮೇಲೆ ?

ನಾನು : ಅವಳು ತನ್ನ ತಲೆಯ ಮೇಲೆ ಎಲ್ಲ ಪೇರಿಸಿಕೊಂಡು ಮಗುವನ್ನು ಎತ್ತಿಕೊಳ್ಳುವ ಹೊತ್ತಿಗೆ ಅವೆಲ್ಲ ಅವಳ ತಲೆಯಿಂದ ಬಿದ್ದುಹೋಯ್ತು.

Z :ಪಾಪ.

ನಾನು : ಮಗು ಅಳಲು ಶುರುಮಾಡಿತು. ಇವಳು ಅದಕ್ಕೆ ಸಮಾಧಾನ ಮಾಡಿದಳು. ನನಗೆ ಇವಳು ಇಷ್ಟೆಲ್ಲಾ ಸಾಮಾನನ್ನ ಹೇಗೆ ಹೊರುತ್ತಾಳೆ ನೊಡಬೇಕೆಂಬ ಆಸೆ ಆಯ್ತು. Involuntarily, ನನ್ನ ಕೈ ನನ್ನ ಕ್ಯಾಮೆರಾವನ್ನು video mode ನಲ್ಲಿ ಇಟ್ಟು ವಿಡಿಯೋ ತೆಗೆಯಲು ಪ್ರಾರಂಭಿಸಿತು.

Z : ನಿನ್ನ ಕೈಗೆ ಕ್ಯಾಮೆರಾ ಬಂದಿದ್ದೇ ದೊಡ್ಡ ತಪ್ಪು.ಅದು ಬಂದ ಮೇಲೆ ನನ್ನ ಬಗ್ಗೆ ಒಂದು ಚೂರು attention ಕೊಡಲ್ಲ ನೀನು !

ನಾನು : ಹೊಟ್ಟೆ ಉರ್ಕೊಳ್ಳೋದು ಬಿಟ್ಟು ಮೊದಲು ವಿಡಿಯೋ ನೋಡು.








Z : ಹ್ಮ್ಮ್....

ನಾನು : ನನಗೆ ಒಂದು ಕ್ಷಣ ಎಲ್ಲರ ಜೀವನಾನೂ balancing act ಅಲ್ಲದೇ ಮತ್ತಿನ್ನೇನು ಅನ್ನಿಸಿಬಿಡ್ತು.

Z : ತ್ಚು ತ್ಚು ತ್ಚು....

ನಾನು : ಆಯ್ತ ಲೊಚಗುಟ್ಟಿದ್ದು ?

Z : ಹೂಂ...continue.

ನಾನು : ಅವಳು ಡಬ್ಬಗಳನ್ನ balance ಮಾಡ್ತಿದ್ಲು..ನಾವು ಜೀವನದಲ್ಲಿ ನಮ್ಮ priorities, requirements and commitments ನ balance ಮಾಡ್ತಿದಿವಿ ಅಲ್ವಾ ?

Z : ಒಹ್ಹೋ....ಇದು ನೀನು ಈ ರೂಟ್ ನಲ್ಲಿ ಬರ್ತಿದ್ಯಾ ?

ನಾನು : ಹೂಂ...

Z : ನಿಜ. life is all about maintaining balance...including bank balance !

ನಾನು : ಹೆಹೆಹೆ ! ನಾನು ಹೇಳಿದ್ದು ಹಂಗಲ್ಲ...

Z : ಗೊತ್ತು...ನಾನು ಸುಮ್ಮನೆ ಹೇಳ್ದೆ ಅಷ್ಟೆ. ನೀನು ಮುಂದುವರೆಸು.

ನಾನು : ನಾನು ಹಂಗೇ ಯೋಚನೆ ಮಾಡತೊಡಗಿದೆ. ಮುಂದೆ ನಾನು ಏನೇನೆಲ್ಲಾ balance ಮಾಡ್ಬೇಕಾಗತ್ತೆ..ಮನೆ, ಕೆಲಸ, ರಿಸರ್ಚು, ಬ್ಲಾಗು..ಯೋಚನೆ ಮಾಡ್ತಾ ಮಾಡ್ತಾ mild ಆಗಿ ಭಯ ಆಯ್ತು.

Z : ಎಷ್ಟಿತ್ತು Richter scale ನಲ್ಲಿ ?

ನಾನು : ನಾನು ಭೂಕಂಪ ಆಯ್ತು ಅಂದೆನಾ ? Richter scale ಅಂತೆ !

Z : ಭಯ ಆದ್ರೆ ಜನ ನಡುಗುತ್ತಾರೆ. ಭೂಮಿ ನಡುಗುವುದನ್ನ ಅಳೆಯುವುದಕ್ಕೆ ಮಾಪಕ ಇದೆ ಅಂತ ಆದ್ರೆ, ಮನುಷ್ಯರ ಭಯ ಅಳೆಯಲು ಅದನ್ನೇ ಬಳಸಬಾರದೇಕೆ ?

ನಾನು : ತಾಯಿ ಜಗಜ್ಜನನಿ ದುರ್ಗಾಪರಮೇಶ್ವರಿ !!!!!!!!!! Z..ದಯವಿಟ್ಟು ನಿನ್ನ ಅದ್ವಿತೀಯ ತಲೆ ನ ಉಪಯೋಗಿಸುವುದನ್ನ ನಿಲ್ಲಿಸುತ್ತೀಯಾ ?

Z : ಯಾಕೆ ?

ನಾನು : ಲೋಕದ ಆರೋಗ್ಯಕ್ಕೆ ಒಳ್ಳೆದಲ್ಲ.

Z : ಓಹ್...ಹೋಗ್ಲಿ ಬಿಡು..ಏನೋ ಪಾಪ ನೀನು ಕೇಳ್ತಿದ್ದೀಯಾ ಅಂತ ನಾನು ತಲೆ ಉಪಯೋಗಿಸೊಲ್ಲ.

ನಾನು : ಧನ್ಯೋಸ್ಮಿ. ಒಟ್ಟಿನಲ್ಲಿ ಮುಂದಿನ balancing act ನೆನಸಿಕೊಂಡು ಈಗಲೆ ತಲೆ ಭಾರವಾಗಿದೆ.

Z : Physics ಓದಿದ್ಯಲ್ಲಾ..ಉಪಯೋಗಿಸು ಅದನ್ನ. ಕಲಿ balance ಮಾಡೋದನ್ನ...ಅಷ್ಟೇ !

ನಾನು : ಕಷ್ಟ !

Z :ಅಸಾಧ್ಯ ಅಲ್ವಲ್ಲ...ನಿಧಾನಕ್ಕೆ ಎಲ್ಲಾ ಸಿದ್ಧಿಸತ್ತೆ. ನೀನು impatience ನ ಸ್ವಲ್ಪ ಕಡಿಮೆ ಮಾಡಿಕೊಂಡರೆ ಆಯ್ತು.

ನಾನು : :-(

Z :ಹ್ಯಾಪ್ ಮೋರೆ ಹಾಕೊಂಡ್ರೆ ಏನೂ ಪ್ರಯೋಜನ ಇಲ್ಲ.

ನಾನು : ಹಂಗಂತಿಯಾ ?

Z :ಹೂಂ..

ನಾನು : ಓಕೆ. balance ಮಾಡೋಕೆ, ಖುಷಿಯಾಗಿ ಇರೋಕೆ ಪ್ರಯತ್ನ ಪಡ್ತಿನಿ.

Z : :-)

5 comments:

ಅಂತರ್ವಾಣಿ said...

balancing ಬಗ್ಗೆ ಯಾಕೆ ಕೇಳ್ತೀಯಮ್ಮ...
ವಿಪರೀತ ಕೆಲಸಗಳು ಇರುತ್ತವೆ. ಎಲ್ಲಾ balance ಆಗಬೇಕು.. ಈ ನಡುವೆ..bank balance ಕಡಿಮೆ ಆಗ್ತಾಯಿದೆ...ಹಳ್ಳಕ್ಕೆ ಬಿದ್ದಿದ್ದಕ್ಕೆ.. :)

ವಿಕಾಸ್ ಹೆಗಡೆ said...

ಹುಂ. ಎಲ್ಲರ ಜೀವನನೂ ಇಷ್ಟೇ .

PaLa said...

ಇದೇ ಘಟನೆ ಹಳ್ಳೀಲಿ ನಡೆದಿದ್ರೆ, ನೋಡಿದೋರು ವೀಡಿಯೋ ತೆಗೆಯುವ ಬದಲಾಗಿ ರಟ್ಟನ್ನ ತಲೆ ಮೇಲೆ ಇಡೋದಕ್ಕೋ, ಮಗುವನ್ನು ಎತ್ತಿಕೊಳ್ಲಿಕ್ಕೋ ಆಕೆಗೆ ಸಹಾಯ ಮಾಡ್ತಾ ಇದ್ರು.

ಅನ್ವೇಷಿ said...

ಹೂಂ ಮತ್ತೆ,,

ಪಾಪ, ಆ ಹೆಂಗ್ಸಿಗೆ ಸಹಾಯ ಮಾಡೋದ್ಬಿಟ್ಟು... ಟೆರೇಸ್ ಮೇಲಿಂದ ಫೋಟೋ....

ಆಕಿಗೆ ಹೇಳ್ತೀನಿ...

Harish - ಹರೀಶ said...

I second Pala. ಆದ್ರೆ ಒಂದು modification: "ಹಳ್ಳೀಲಿ ನಡೆದಿದ್ರೆ" ಬದಲು "ಕರುಣೆ ಇರುವವರ ಮುಂದೆ ನಡೆದಿದ್ರೆ" :-P

ಜಯ್:‌ ಹಳ್ಳದ ಹೆಸರೇನು? ನಂಗೆ ಹೇಳೇ ಇಲ್ಲ!!